Qazaqstanda qańtar aiynda azyq-túlik taýarlaryna baǵa –1,1%, azyq-túlik emes taýarlaryna jáne aqyly qyzmetterge 0,3% qymbattady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynyń málimetine súiensek, qańtarda (2020 jylǵy jeltoqsanǵa qaraǵanda) baǵanyń ósýi jańa jinalǵan kókónisterge – 7,8%, jumyrtqaǵa – 6,9%, kartopqa – 5,1%, kúnbaǵys maiyna – 3,6%, qatty irimshikke – 1,3%, qantqa, jańa jinalǵan jemisterge – 1,1%, unǵa – 1%, pasterlengen sútke – 0,7%, jarmalarǵa – 0,6%, shaiǵa, toqash jáne un ónimderine, airanǵa – 0,5%, sary maiǵa 0,4% belgilendi. Temeki ónimderi 2,5% qymbattady.
Budan bólek, avtomobilder – 1,1%, qurylys materialdary – 0,7%, toqyma buiymdary – 0,5%, kiim jáne aiaq kiim – 0,3%, jýǵysh jáne tazalaǵysh quraldar, jeke qoldanylatyn taýarlar 0,2% qymbattaǵan. Aǵashtyń baǵasy – 0,5%, tas kómirge 0,4% ósti.
Kelesi qyzmet túrleriniń quny da joǵarylady: sálemdeme jiberý – 11,8%, notariýs qyzmetteri, avtosaqtandyrý – 5%, densaýlyq saqtaý qyzmetteri – 0,6%, monsha - 0,3%.
Qańtar aiynda baǵa arzandady: taýyq etine jáne kúrishke 0,3%, aviabiletterge - 1,1%, turǵyn úi-kommýnaldyq qyzmetter salasynda qoqys shyǵarýǵa – 1,2%, elektr energiiasyna – 0,3%.
