Qant importyna nóldik baj qarashaǵa deiin uzartyldy, dep habarlaidy "Ult aqparat" ministrliktiń baspasóz qyzmetine silteme jasap.
Saýda jáne integratsiia ministri Baqyt Sultanovtyń qatysýymen ótken Eýraziialyq ekonomikalyq komissiia Keńesiniń kezekten tys otyrysynda Aq qant pen shiki qanttyń bajsyz importyna arnalǵan kvotany 31 qazanǵa deiin uzartý týraly usynysy maquldandy.
"Bul shara ishki naryqqa importtalatyn qantty jetkizý qunyn tómendetýge múmkindik beredi. Qazir biz birqatar eldermen qanttyń úlken kólemin jetkizý týraly kelisim sózder júrgizip jatyrmyz. Al qarashaǵa qarai qazaqstandyq zaýyttardan da, EAEO elderinen de jańa daqylǵa qyzylsha qantyn jetkizý bastalady", - dep túsindirdi Sultanov.
Sonymen qatar, Qazaqstan AQ qant pen shiki qanttyń bajsyz importyna kvota kólemin ulǵaitý týraly kelisim sózder júrgizip jatyr. Qazirgi ýaqytta Qazaqstannyń kvotasy 2022 jylǵy tamyzǵa deiin nóldik importtyq keden bajymen 350 myń tonna aq qant pen shiki qurǵaq qantyn quraidy.
