قانت يمپورتىنا نٶلدٸك باج قاراشاعا دەيٸن ۇزارتىلدى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
ساۋدا جەنە ينتەگراتسييا مينيسترٸ باقىت سۇلتانوۆتىڭ قاتىسۋىمەن ٶتكەن ەۋرازييالىق ەكونوميكالىق كوميسسييا كەڭەسٸنٸڭ كەزەكتەن تىس وتىرىسىندا اق قانت پەن شيكٸ قانتتىڭ باجسىز يمپورتىنا ارنالعان كۆوتانى 31 قازانعا دەيٸن ۇزارتۋ تۋرالى ۇسىنىسى ماقۇلداندى.
"بۇل شارا ٸشكٸ نارىققا يمپورتتالاتىن قانتتى جەتكٸزۋ قۇنىن تٶمەندەتۋگە مٷمكٸندٸك بەرەدٸ. قازٸر بٸز بٸرقاتار ەلدەرمەن قانتتىڭ ٷلكەن كٶلەمٸن جەتكٸزۋ تۋرالى كەلٸسٸم سٶزدەر جٷرگٸزٸپ جاتىرمىز. ال قاراشاعا قاراي قازاقستاندىق زاۋىتتاردان دا, ەاەو ەلدەرٸنەن دە جاڭا داقىلعا قىزىلشا قانتىن جەتكٸزۋ باستالادى", - دەپ تٷسٸندٸردٸ سۇلتانوۆ.
سونىمەن قاتار, قازاقستان اق قانت پەن شيكٸ قانتتىڭ باجسىز يمپورتىنا كۆوتا كٶلەمٸن ۇلعايتۋ تۋرالى كەلٸسٸم سٶزدەر جٷرگٸزٸپ جاتىر. قازٸرگٸ ۋاقىتتا قازاقستاننىڭ كۆوتاسى 2022 جىلعى تامىزعا دەيٸن نٶلدٸك يمپورتتىق كەدەن باجىمەن 350 مىڭ توننا اق قانت پەن شيكٸ قۇرعاق قانتىن قۇرايدى.
