Foto: © Sputnik / Vladislav Vodnev
Ulttyq ekonomika ministri Álibek Qýantyrov tabystyń kólemine qarai salyqty arttyrý bastamasyn túsindirdi, dep habarlaidy Sputnik Qazaqstan.
Ministrlik Prezident tapsyrmasy boiynsha salyq salýdyń progressivti shkalasyn, iaǵni tabystyń kólemine qarai salyq tóleý júiesin engizýdi josparlap otyr. Oǵan sáikes, belgili bir somadan asatyn tabys úshin 15 protsenttik salyq tóleýge týra keledi.
"Qazirgi joba boiynsha shekti tabystyń somasy 480 eń tómengi jalaqyny quraidy. Ol shamamen 40 million teńge. Máselen, salyq tóleýshi jylyna 50 million tabys kóredi delik, onda ol 40 millionnan artylǵan 10 million teńge úshin 15 protsent salyq tóleidi", - dedi Qýantyrov sentta ótken úkimet saǵatynda.
Ministrdiń aitýynsha, ondai shara salyqtan jaltarýǵa septigin tigizbeidi. Sebebi ondai tabys tabatyn kásiporyndar salyqty ýaqytynda tólep turady.
Aita keteri, buǵan deiin Qazaqstanda progressivti shkala bolǵan. Onyń deńgeii 5-20 protsent kóleminde belgilengen. Biraq keiin alynyp tastaldy.
