Foto: pikabu.ru
Búgin Senatta ótken "dóńgelek ústelde" salyq saiasaty men salyqtyq ákimshilendirýdi jetildirýdiń ózekti máseleleri talqylandy. Sonymen qatar, qymbat taýarlarǵa salynatyn salyqty qalai kóterý josparlanyp otyrǵany týraly aityldy, - dep habarlaidy Tengrinews.kz saity.
Ulttyq ekonomika vitse-ministri Azamat Amrinniń aitýynsha, sán-saltanat taýarlaryna qatysty bólek salyq salý týraly sóz joq – bul taýarlardyń jekelegen sanattaryna qosymsha salyq salý. Atap aitqanda, iahtalar men ushaqtarǵa salynatyn kólik salyǵyn aitarlyqtai arttyrý kózdelgen.
"Bizde menshiginde ushaqtar men iahtalary bar salyq tóleýshiler bar. Olar boiynsha, eger qarasańyz, bir nysanǵa tólengen soma - bar-joǵy 13 myńǵa jýyq. Munda, árine, aitarlyqtai kóterý kerek (salyq. - esk.). Biz bul jaǵdaidy túzetemiz, iaǵni iahtalar men ushaqtarǵa kólik salyǵyn kóbeitip, arttyramyz", - dedi Amrin.
Vitse-ministr keltirgen málimetterge sáikes, 490 iahta - jeke tulǵalardyń menshiginde, al 176 iahta - zańdy tulǵalardyń menshiginde. Sondai-aq, qazaqstandyqtarǵa 248 ushaq tiesili, taǵy 665 ushý quraly zańdy tulǵalardyń menshiginde.
