70-inshi Kann kinofestivalinde (Frantsiia) otandyq kinoindýstriia tarihynda alǵash ret Qazaqstannyń ulttyq pavilony ashyldy.
Alǵashqy qazaqstandyq pavilon festival saraiyndaǵy Le Village International kino naryǵy alańynda ornalasty. Festivalǵa qazaqstandyq delegatsiia qatysady, dep habarlaidy QR AKM baspasóz qyzmeti.
QR Mádeniet jáne sport ministrligi men «Eýraziia» halyqaralyq kinofestivali uiymdastyrý komitetiniń qoldaýymen ashylǵan pavilon jańa filmder men jobalardy damytý maqsatyndaǵy kásibi kezdesýler men kelissózderge jol ashady.
Belgili halyqaralyq kinofestivalde qazaqstandyq pavilonnyń ashylýy kino shyǵarýshy el retindegi elimizdiń bedelin arttyryp, kinoindýstriia salasyndaǵy áriptestik múmkindikter men yntymaqtastyq bailanystardy keńeitedi.
Otandyq pavilon baǵdarlamasynda qamtylǵan 2017 jylǵy 22-28 shilde aralyǵynda Astana qalasynda EKSPO-2017 kórmesindegi «Bolashaqtyń energiiasy» baǵdarlamasy aiasynda QR Mádeniet jáne sport ministrliginiń tapsyrysy boiynsha ótkiziletin Halyqaralyq «Eýraziia» kinofestivali tusaýkeseriniń mańyzy zor.
19 mamyr kúni Frantsiianyń ulttyq kinematografiia ortalyǵynda QR mádeniet jáne sport vitse-ministri Asqar Batalovtyń qatysýymen Qazaqstannyń ulttyq pavilonynyń ashylýyna bailanysty resmi qabyldaý ótedi. Sonymen qatar, kontsert uiymdastyrylyp, onda Óner ýniversitetindegi kameralyq ishekti ansambliniń súiemeldeýimen Aiman Musaqojaeva jáne Dimash Qudaibergenov óner kórsetedi.
Pavilon jumysy ulttyq filmderdi qarjylandyrý jáne tájiribe almasýǵa, qazaqstandyq kinoindýstriia jáne týrizm salasyn damytýǵa yqpaldy áriptester tartýǵa múmkindik jasaidy.
