Arlingtondaǵy (AQSh) AT&T Stadium stadionynda meksikalyq boksshy Saýl Alvares (55-1-2, 37 KO) pen britandyq Billi Djo Sonders (30-0, 14 KO) arasynda jekpe-jek boldy, dep habarlaidy "Ult aqparat" Sports.kz saityna silteme jasap.
«Kanelo» WBC men WBA Super nusqalary boiynsha sýper orta salmaqtaǵy álem chempiony beldikterin, al Sonders, óz kezeginde, osy sanattaǵy WBO titýlyn báske tikti. Jekpe-jek 12 raýndqa josparlanǵan edi, biraq kesh ýaqytynan buryn aiaqtaldy. Billi Djo toǵyzynshy raýndqa shyǵýdan bas tartty. Osylaisha, meksikalyq kásibi bokstaǵy 56-shy jeńisine jetip, diviziondaǵy úsh chempiondyq titýldy biriktirdi, al Sonders mansabynda alǵash ret jeńilis tapty.
"Men onyń jaq súiegin syndyryp jibergen siiaqtymyn. Ol jekpe-jekti jalǵastyrmaitynyn bildim. Eddi Reinosoǵa onyń shyqpaitynyn aittym. Men eń úzdik bapkermen jumys isteimin. Ol maǵan qalai daiyndalý kerektigin jáne ringte ne isteý qajettigin aitady, men ony oryndaimyn", - dedi Saýl Alvares Sonderspen jekpe-jekten keiin bergen suhbatynda .
Eske sala keteiik, «Kanelo» qazaqstandyq Gennadii Golovkinmen (40-1-1, 36 KO) úshinshi ret aiqasýǵa daiyn ekenin bildirdi, degenmen bul úshin GGG sýper orta salmaqqa kóterilýi tiis.
