ارلينگتونداعى (اقش) AT&T Stadium ستاديونىندا مەكسيكالىق بوكسشى ساۋل الۆارەس (55-1-2, 37 كو) پەن بريتاندىق بيللي دجو سوندەرس (30-0, 14 كو) اراسىندا جەكپە-جەك بولدى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
«كانەلو» WBC مەن WBA Super نۇسقالارى بويىنشا سۋپەر ورتا سالماقتاعى ەلەم چەمپيونى بەلدٸكتەرٸن, ال سوندەرس, ٶز كەزەگٸندە, وسى ساناتتاعى WBO تيتۋلىن بەسكە تٸكتٸ. جەكپە-جەك 12 راۋندقا جوسپارلانعان ەدٸ, بٸراق كەش ۋاقىتىنان بۇرىن اياقتالدى. بيللي دجو توعىزىنشى راۋندقا شىعۋدان باس تارتتى. وسىلايشا, مەكسيكالىق كەسٸبي بوكستاعى 56-شى جەڭٸسٸنە جەتٸپ, ديۆيزيونداعى ٷش چەمپيوندىق تيتۋلدى بٸرٸكتٸردٸ, ال سوندەرس مانسابىندا العاش رەت جەڭٸلٸس تاپتى.
"مەن ونىڭ جاق سٷيەگٸن سىندىرىپ جٸبەرگەن سيياقتىمىن. ول جەكپە-جەكتٸ جالعاستىرمايتىنىن بٸلدٸم. ەددي رەينوسوعا ونىڭ شىقپايتىنىن ايتتىم. مەن ەڭ ٷزدٸك باپكەرمەن جۇمىس ٸستەيمٸن. ول ماعان قالاي دايىندالۋ كەرەكتٸگٸن جەنە رينگتە نە ٸستەۋ قاجەتتٸگٸن ايتادى, مەن ونى ورىندايمىن", - دەدٸ ساۋل الۆارەس سوندەرسپەن جەكپە-جەكتەن كەيٸن بەرگەن سۇحباتىندا .
ەسكە سالا كەتەيٸك, «كانەلو» قازاقستاندىق گەنناديي گولوۆكينمەن (40-1-1, 36 كو) ٷشٸنشٸ رەت ايقاسۋعا دايىن ەكەنٸن بٸلدٸردٸ, دەگەنمەن بۇل ٷشٸن GGG سۋپەر ورتا سالماققا كٶتەرٸلۋٸ تيٸس.
