Amerikalyq reper Kane Ýesttiń Almatydaǵy kontserti aýa raiynyń qolaisyzdyǵyna bailanysty bir kúnge keiinge qaldyryldy. Ánshiniń Ortalyq stadionda ótýi tiis kontserti bastapqyda 14 tamyzǵa josparlanǵan bolatyn, dep habarlaidy ult.kz.
Kontsertke kelgen kórermender shoý 15 tamyzǵa, iaǵni erteńge aýystyrylǵany aitylǵanyn habarlady.
«Shoý erteńge, dál osy ýaqytqa aýystyrylady. Ókinishke qarai, stadionnan shyǵýyńyzdy suraimyz. Erteń osy ýaqytta sizderdi kútemiz. Raqmet», – dedi uiymdastyrýshylar.
Buǵan deiin satyp alynǵan biletter óz kúshin joimaidy. Olardy qaita aiyrbastaýdyń qajeti joq.
Kontserttiń keiinge shegerilgenin Kane Ýesttiń ózi de áleýmettik jelidegi X paraqshasynda rastady. Reper sharanyń aýa raiyna bailanysty aýystyrylǵanyn atap ótti.
«Aýa raiy jaǵdaiyna bailanysty búgingi kontsert erteńge aýystyrylady. Densaýlyq pen qaýipsizdik – bizdiń basty basymdyǵymyz», – dep jazdy ol.
Osylaisha, Kane Ýesttiń Almatydaǵy kontserti 15 tamyzda Ortalyq stadionda ótedi dep josparlanyp otyr.
