Osydan on jyl buryn Jeltoqsan kóterilisiniń jiyrma jyldyǵyna orai arnaiy jazǵan «Qandy qyrǵynnan aman qalǵan qyzdar» atty maqalam «Jas alash», «Azattyq» gazetterinde jariialanǵan edi.
Onda men Abai atyndaǵy pedagogika institýtynda oqyp júrip, 1986 jyly 16-17-jeltoqsan kúnderi sol kezdegi Úkimet úii aldyndaǵy alańdaǵy kóteriliske qatysqan qyzdardyń tórteýin Arqalyqtan, ekeýin Jangeldi aýdanynan izdep taýyp alyp, joǵaryda atalǵan maqalada sýretterimen jariialaǵan edim. Jeltoqsan kóterilisine eki kún boiy qatysqan Jumagúl Bekentaeva (Jangeldin aýdany), Baqtygúl Myrzaǵazina (Jangeldin aýdany), Aigúl Súlekeeva (Arqalyq), Gúljahan Ordaeva (Shymkent), Baqytgúl Álisheva (Almaty oblysynan), Záýre Momynqulova (Shymkent) sol kezde QazPide oqyp júrgen. Esimderi atalǵan stýdentterdiń bári jeltoqsan kúni ustalyp, (keibiri jataqhanada, keibiri alańǵa bara jatqan jerinde ustalǵan) túrmege ýaqytsha qamalǵan. Keiin, institýtta dekanat boiynsha komsomol jinalystary ótip, sonda bulardyń bári aiyptalyp, institýttan shyǵarylǵan. Kóterilis kezinde basyna taiaq tigen stýdent Baqytkúl Myrzaǵazina institýttan shyǵarylyp, týǵan aýylyna qaitqannan keiin, jaraqat zardabynan qaitys bolǵan. Ap, Jumagúl Bekentaevany esh jumysqa qabyldamaý týraly melekettik ishki ister organy arnaiy nusqaýda bergen eken.
Sýrette Jeltoqsan kóterilisine qatysqan qyzdardyń bir toby. (oń jaqtan) Jumagúl Bekentaeva, Záýre Momynqulova, Gúljahan Ordaeva, Baqytgúl Álisheva, Baqytgúl Myrzaǵazina, Aigúl Súlekeeva.
Qazir Jumagúl Bekentaeva Jangeldi aýdanynyń, Shegen aýylynyń mektebinde ardager ustaz. Gúljahan OrdaevA Almatyda turady, ǵalym.
«Qandy qyrǵynnan aman qalǵan qyzdar» atty maqalam gazetterde shyqqannan keiin Arqalyqta 1986 jylǵy Jeltoqsan kóterilisine qatysqan Meiramgúl Ysqaqova, Aigúl Aqshalova atty qyzdardy kezdestirdim. Meiramgúl jeltoqsan oqiǵasyna qatysqan kezde Almatydaǵy Estrada stýdiiasynda oqyp júr eken. Meiramgúldiń sýreti ataqty «Jeltoqsan» dokýmentaldi filminde bar.
Al, Aigúl Aqshalova JenPide oqyp júrgen. Jeltoqsan kóterisine qatysyp, mashinaǵa tielip, qala syrtyna aparyp tastalǵan bir top jastardyń biri.
Mine, osydan otyz jyl buryn Almatyda 16-17-jeltoqsan kóterilisine qatysqan, elimizdiń keleshegi úshin erlik kórsetkn qyzdar respýblikamyzdyń túkpir túkpirinde áli de eline adal qyzmet etip júr.
Biraq, osy kúnge deiin Jeltoqsan kóterilisine qatysyp, taiaq jep, túrmege otyryp, turmystyń kúiki azabyn kórip júrgen qairatker er azamattarymyz ben azamatshalarymyzdyń erlikterin baǵalaityn úkimet bar ma?.
Alda Jeltoqsan kóterilisiniń 30 jyldyǵy kele jatyr, biraq, urtymyzǵa sý toltyryp alǵandai únimiz shyqpai jatyr.
Jumat ÁNESULY, jýrnalist, jazýshy
Ult portaly
