وسىدان ون جىل بۇرىن جەلتوقسان كٶتەرٸلٸسٸنٸڭ جيىرما جىلدىعىنا وراي ارنايى جازعان «قاندى قىرعىننان امان قالعان قىزدار» اتتى ماقالام «جاس الاش», «ازاتتىق» گازەتتەرٸندە جارييالانعان ەدٸ.
وندا مەن اباي اتىنداعى پەداگوگيكا ينستيتۋتىندا وقىپ جٷرٸپ, 1986 جىلى 16-17-جەلتوقسان كٷندەرٸ سول كەزدەگٸ ٷكٸمەت ٷيٸ الدىنداعى الاڭداعى كٶتەرٸلٸسكە قاتىسقان قىزداردىڭ تٶرتەۋٸن ارقالىقتان, ەكەۋٸن جانگەلدٸ اۋدانىنان ٸزدەپ تاۋىپ الىپ, جوعارىدا اتالعان ماقالادا سۋرەتتەرٸمەن جارييالاعان ەدٸم. جەلتوقسان كٶتەرٸلٸسٸنە ەكٸ كٷن بويى قاتىسقان جۇماگٷل بەكەنتاەۆا (جانگەلدين اۋدانى), باقتىگٷل مىرزاعازينا (جانگەلدين اۋدانى), ايگٷل سٷلەكەەۆا (ارقالىق), گٷلجاحان ورداەۆا (شىمكەنت), باقىتگٷل ەلٸشەۆا (الماتى وبلىسىنان), زەۋرە مومىنقۇلوۆا (شىمكەنت) سول كەزدە قازپيدە وقىپ جٷرگەن. ەسٸمدەرٸ اتالعان ستۋدەنتتەردٸڭ بەرٸ جەلتوقسان كٷنٸ ۇستالىپ, (كەيبٸرٸ جاتاقحانادا, كەيبٸرٸ الاڭعا بارا جاتقان جەرٸندە ۇستالعان) تٷرمەگە ۋاقىتشا قامالعان. كەيٸن, ينستيتۋتتا دەكانات بويىنشا كومسومول جينالىستارى ٶتٸپ, سوندا بۇلاردىڭ بەرٸ ايىپتالىپ, ينستيتۋتتان شىعارىلعان. كٶتەرٸلٸس كەزٸندە باسىنا تاياق تيگەن ستۋدەنت باقىتكٷل مىرزاعازينا ينستيتۋتتان شىعارىلىپ, تۋعان اۋىلىنا قايتقاننان كەيٸن, جاراقات زاردابىنان قايتىس بولعان. اپ, جۇماگٷل بەكەنتاەۆانى ەش جۇمىسقا قابىلداماۋ تۋرالى مەلەكەتتٸك ٸشكٸ ٸستەر ورگانى ارنايى نۇسقاۋدا بەرگەن ەكەن.
سۋرەتتە جەلتوقسان كٶتەرٸلٸسٸنە قاتىسقان قىزداردىڭ بٸر توبى. (وڭ جاقتان) جۇماگٷل بەكەنتاەۆا, زەۋرە مومىنقۇلوۆا, گٷلجاحان ورداەۆا, باقىتگٷل ەلٸشەۆا, باقىتگٷل مىرزاعازينا, ايگٷل سٷلەكەەۆا.
قازٸر جۇماگٷل بەكەنتاەۆا جانگەلدٸ اۋدانىنىڭ, شەگەن اۋىلىنىڭ مەكتەبٸندە ارداگەر ۇستاز. گٷلجاحان ورداەۆا الماتىدا تۇرادى, عالىم.
«قاندى قىرعىننان امان قالعان قىزدار» اتتى ماقالام گازەتتەردە شىققاننان كەيٸن ارقالىقتا 1986 جىلعى جەلتوقسان كٶتەرٸلٸسٸنە قاتىسقان مەيرامگٷل ىسقاقوۆا, ايگٷل اقشالوۆا اتتى قىزداردى كەزدەستٸردٸم. مەيرامگٷل جەلتوقسان وقيعاسىنا قاتىسقان كەزدە الماتىداعى ەسترادا ستۋديياسىندا وقىپ جٷر ەكەن. مەيرامگٷلدٸڭ سۋرەتٸ اتاقتى «جەلتوقسان» دوكۋمەنتالدٸ فيلمٸندە بار.
ال, ايگٷل اقشالوۆا جەنپيدە وقىپ جٷرگەن. جەلتوقسان كٶتەرٸسٸنە قاتىسىپ, ماشيناعا تيەلٸپ, قالا سىرتىنا اپارىپ تاستالعان بٸر توپ جاستاردىڭ بٸرٸ.
مٸنە, وسىدان وتىز جىل بۇرىن الماتىدا 16-17-جەلتوقسان كٶتەرٸلٸسٸنە قاتىسقان, ەلٸمٸزدٸڭ كەلەشەگٸ ٷشٸن ەرلٸك كٶرسەتكن قىزدار رەسپۋبليكامىزدىڭ تٷكپٸر تٷكپٸرٸندە ەلٸ دە ەلٸنە ادال قىزمەت ەتٸپ جٷر.
بٸراق, وسى كٷنگە دەيٸن جەلتوقسان كٶتەرٸلٸسٸنە قاتىسىپ, تاياق جەپ, تٷرمەگە وتىرىپ, تۇرمىستىڭ كٷيكٸ ازابىن كٶرٸپ جٷرگەن قايراتكەر ەر ازاماتتارىمىز بەن ازاماتشالارىمىزدىڭ ەرلٸكتەرٸن باعالايتىن ٷكٸمەت بار ما?.
الدا جەلتوقسان كٶتەرٸلٸسٸنٸڭ 30 جىلدىعى كەلە جاتىر, بٸراق, ۇرتىمىزعا سۋ تولتىرىپ العانداي ٷنٸمٸز شىقپاي جاتىر.
جۇمات ەنەسۇلى, جۋرناليست, جازۋشى
ۇلت پورتالى
