Kandelakidiń kosmetika dúkenderi Qazaqstanda toqtap qaldy

Foto: Ashyq derekkózden

«Qazaqstan orys tilin shektedi» degen reseilik telejúrgizýshi Tina Kandelakidiń ónimderi satylymnan alynyp jatyr dep habarlaidy "Ult Aqparat" Azattyq radiosyna silteme jasap.

Elimizde bet pen dene kútimine arnalǵan kosmetikaǵa kóńili tolmaityndar kóbeidi. Al «Zolotoe iabloko» mobildi qosymshasynda jaǵymsyz pikirler sany aitarlyqtai ósken.

«Zolotoe iabloko Tina Kandelakidiń fashistik kózqarasyn qoldaidy. Bul dúkenge barmańdar», «Astananyń ortalyǵyna jol berińder, jaýyp tastańdar», «elimizdi, halqymyzdy qurmettemeitinder bizdiń esebimizden tabys tappasyn», «Tina Kandelakidiń taýaryn satý –Qazaqstan halqyn qorlaý», – dep jazady jeli qoldanýshylary pikirde.
Alaida Zolotoe iabloko dúkeniniń ákimshiligi jaýap bermedi. Biraq elordadaǵy iri saýda ortalyǵynda ornalasqan dúkennen taýar alynyp tastaldy. Olar tipti sórelerde de joq. Buǵan dúken iesiniń ustanymy áser etken.

Aita keteiik, Reseidegi belgili telejýrnalist Tina Kandelaki Qazaqstannyń orys tilin baiaý bolsa da joiýǵa kúsh salyp jatqanyn jazǵan bolatyn. Onyń málimdemesi eldegi temirjol stantsiialary ataýynyń ózgerýimen bailanysty boldy. Qazaqstan Syrtqy ister ministrligi Kandelaki elge kirýge tyiym salynǵandar tizimine engenin aitqan bolatyn.