Qazaqstan Respýblikasy Úkimetiniń 2022 jylǵy 31 qańtardaǵy №36 Qaýlysyna sáikes Qazaqstan Respýblikasynyń zańnamasynda belgilengen tártippen «Otandastar qory» kommertsiialyq emes aktsionerlik qoǵamynyń 50 paiyz mólsherindegi aktsiialarynyń memlekettik paketin ielený jáne paidalaný quqyqtary Aqparat jáne qoǵamdyq damý ministrliginen Syrtqy ister ministrligine berildi, dep habarlaidy QazAqparat Qordyń baspasóz qyzmetine silteme jasap.
«Otandastar Qory» KeAQ aldaǵy ýaqytta QR SIM-ne qarasty qyzmet atqarady.
Buǵan deiin Qoǵam aktsionerleri QR Syrtqy isterministrligi men QR Aqparat jáne qoǵamdyq damý ministrligi bolǵan.
Aita keteiik, Sheteldegi otandastarymyzǵa jan-jaqty qoldaý kórsetý maqsatynda «Otandastar Qoryn» qurý týraly 2017 jyly «Dúniejúzi qazaqtarynyń V quryltaiynda» Tuńǵysh Prezident – Elbasy N.Á. Nazarbaev tapsyrma bergen edi. Qoǵam óz jumysyn 2018 jyldyń kúzinde bastaǵan.
Búginde Qoǵamnyń negizgi maqsattarynda sheteldegi qazaq qaýymdarynyń jinaqy turatyn jerlerinde qazaq tili men mádenietin damytý jáne tarihi otanymen bailanysyn qoldaý salasyndaǵy is-sharalardy uiymdastyrý arqyly QR Syrtqy ister ministrliginiń sheteldik vedomstvolaryna baǵynysty uiymdar retinde sheteldegi Mádeni-iskerlik úileri platformasynyń jelisin keńeiýge, sheteldik qazaq jastary jáne Qazaqstannyń bilim berý salasyń basymdyqtaryna, Sheteldegi qazaq qaýymdary jáne Qazaqstannyń imidjdik tartymdylyǵyn arttyrý ‒ aqparattyq-konsýltatsiialyq qamtamasyz etý máselelerine basymdyq jasaý kózdelip otyr.
Sonymen qatar, qandastardy aqparattyq qoldaý ortalyqtarynyń jumysyn jalǵastyra otyra, sheteldegi qazaqtar men elge kelgen aǵaiynnyń ózara is-qimyl salasyndaǵy memlekettik saiasatty taldaý, josparlaý jáne boljaý máseleleri boiynsha derekter bazasyn qalyptastyrý jumystaryn atqarady.
