قازاقستان رەسپۋبليكاسى ٷكٸمەتٸنٸڭ 2022 جىلعى 31 قاڭتارداعى №36 قاۋلىسىنا سەيكەس قازاقستان رەسپۋبليكاسىنىڭ زاڭناماسىندا بەلگٸلەنگەن تەرتٸپپەن «وتانداستار قورى» كوممەرتسييالىق ەمەس اكتسيونەرلٸك قوعامىنىڭ 50 پايىز مٶلشەرٸندەگٸ اكتسييالارىنىڭ مەملەكەتتٸك پاكەتٸن يەلەنۋ جەنە پايدالانۋ قۇقىقتارى اقپارات جەنە قوعامدىق دامۋ مينيسترلٸگٸنەن سىرتقى ٸستەر مينيسترلٸگٸنە بەرٸلدٸ, دەپ حابارلايدى قازاقپارات قوردىڭ باسپاسٶز قىزمەتٸنە سٸلتەمە جاساپ.
«وتانداستار قورى» كەاق الداعى ۋاقىتتا قر سٸم-نە قاراستى قىزمەت اتقارادى.
بۇعان دەيٸن قوعام اكتسيونەرلەرٸ قر سىرتقى ٸستەرمينيسترلٸگٸ مەن قر اقپارات جەنە قوعامدىق دامۋ مينيسترلٸگٸ بولعان.
ايتا كەتەيٸك, شەتەلدەگٸ وتانداستارىمىزعا جان-جاقتى قولداۋ كٶرسەتۋ ماقساتىندا «وتانداستار قورىن» قۇرۋ تۋرالى 2017 جىلى «دٷنيەجٷزٸ قازاقتارىنىڭ V قۇرىلتايىندا» تۇڭعىش پرەزيدەنت – ەلباسى ن.ە. نازارباەۆ تاپسىرما بەرگەن ەدٸ. قوعام ٶز جۇمىسىن 2018 جىلدىڭ كٷزٸندە باستاعان.
بٷگٸندە قوعامنىڭ نەگٸزگٸ ماقساتتارىندا شەتەلدەگٸ قازاق قاۋىمدارىنىڭ جيناقى تۇراتىن جەرلەرٸندە قازاق تٸلٸ مەن مەدەنيەتٸن دامىتۋ جەنە تاريحي وتانىمەن بايلانىسىن قولداۋ سالاسىنداعى ٸس-شارالاردى ۇيىمداستىرۋ ارقىلى قر سىرتقى ٸستەر مينيسترلٸگٸنٸڭ شەتەلدٸك ۆەدومستۆولارىنا باعىنىستى ۇيىمدار رەتٸندە شەتەلدەگٸ مەدەني-ٸسكەرلٸك ٷيلەرٸ پلاتفورماسىنىڭ جەلٸسٸن كەڭەيۋگە, شەتەلدٸك قازاق جاستارى جەنە قازاقستاننىڭ بٸلٸم بەرۋ سالاسىڭ باسىمدىقتارىنا, شەتەلدەگٸ قازاق قاۋىمدارى جەنە قازاقستاننىڭ يميدجدٸك تارتىمدىلىعىن ارتتىرۋ ‒ اقپاراتتىق-كونسۋلتاتسييالىق قامتاماسىز ەتۋ مەسەلەلەرٸنە باسىمدىق جاساۋ كٶزدەلٸپ وتىر.
سونىمەن قاتار, قانداستاردى اقپاراتتىق قولداۋ ورتالىقتارىنىڭ جۇمىسىن جالعاستىرا وتىرا, شەتەلدەگٸ قازاقتار مەن ەلگە كەلگەن اعايىننىڭ ٶزارا ٸس-قيمىل سالاسىنداعى مەملەكەتتٸك ساياساتتى تالداۋ, جوسپارلاۋ جەنە بولجاۋ مەسەلەلەرٸ بويىنشا دەرەكتەر بازاسىن قالىپتاستىرۋ جۇمىستارىن اتقارادى.
