Qandastarǵa sharýa nemese fermer qojalyǵyn júrgizý úshin ýaqytsha jer telimderi beriledi. Bul týraly QR Aýyl sharýashylyǵy ministrligi jer resýrstaryn basqarý komitetiniń tóraǵasy Gúljahan Bimendina aityp berdi, dep habarlaidy "Ult aqparat".
«Qazaqstan Respýblikasynyń Jer kodeksine sáikes, qandastarǵa sharýa nemese fermer qojalyǵyn júrgizý úshin ýaqytsha jer paidalaný (jalǵa alý) quqyǵy 10 jylǵa deiingi merzimge beriledi. Bul rette sharýa nemese fermer qojalyǵyn jáne aýyl sharýashylyǵy óndirisin júrgizý úshin qandastarǵa ýaqytsha jer ýchaskelerin berý aýyl sharýashylyǵy maqsatyndaǵy jerden, arnaiy jer qorynan, immigratsiialyq jer qorynan jáne bos jerlerden júzege asyrylady», - dep túsindirdi G. Bimendina «Otandastar qory» KEAQ janyndaǵy qoǵamdyq komissiianyń otyrysynda.
Sondai-aq, qandastardyń sharýa nemese fermer qojalyǵyn nemese aýyl sharýashylyǵy óndirisine bailanysty ózge de qyzmetti júrgizý úshin arnaiy jer qorynan ýchaske alýǵa birinshi kezekte quqyǵy bar. Bul Jer kodeksiniń 46-babynda qarastyrylǵan.
«Bul talaptardy qandastar Qazaqstan Respýblikasynyń azamattyǵyn alǵansha paidalana alady. Sonymen birge, Qazaqstan Respýblikasy jer balansynyń derekterine sáikes 2019 jylǵy 1 qarashada 95,7 myń ga bos jer tirkelgen, onyń ishinde aýyl sharýashylyǵy alqaptary 78,3 myń gektar (egistik – 51,7 ga, jaiylym – 74,1 myń ga, shabyndyq – 2,1 myń ga, tyńaiǵan jerler – 2 myń ga). Al arnaiy jer qory 37,5 myń gektardy quraidy. Barlyq aqparat jer komitetiniń saitynda jáne jergilikti atqarýshy organdardyń saitynda kórsetilgen», - dedi Gúljahan Bimendina.
