«Otandastar» qory elimizge qonys aýdarǵan qandastarǵa kóshi-qon úrdisindegi talaptardy túsindirý maqsatynda daiyndalǵan beinerolik jariialady, dep habarlaidy QazAqparat.
«Qazaqstan Respýblikasyna kelgen etnikalyq qazaqtar qandas mártebesin alý úshin turǵylyqty jeri boiynsha Halyqqa qyzmet kórsetý ortalyǵyna ótinishin bere alady. Qandas mártebesi bir jyl merzimge beriledi jáne Qazaqstan azamattyǵyn alǵan jaǵdaida toqtatylady», - delingen qordyń Instagram paraqshasynda jariialanǵan beinerolikte.
Qordyń túsindirýinshe, qandas mártebesin alý úshin HQO-ǵa erkin nysanda jazylǵan ómirbaian, jeke basyn kýálandyratyn qujattardyń kóshirmesin, notarialdy kýálandyrǵan aýdarmasymen, jeke basyn kýálandyratyn qujattarda ulty jazylmaǵan jaǵdaida ótinish berýshiniń ultyn rastaityn basqa da qujattar tapsyrylady.
Qujattardy qaraý jáne qandas mártebesin berý ótinish tirkelgen kúnnen bastap 4 jumys kúni ishinde, eger ótinish berýshiniń jeke sáikestendirý nómiri bolǵan jaǵdaida 3 jumys kúni ishinde júzege asyrylady.
