Sodyrlar tártip saqshylarynyń qarýdy tastap, berilýin talap etken. Bul týraly Almaty qalalyq politsiia departamentiniń bastyǵy Qanat Taimerdenov aitty, dep habarlaidy QazAqparat.
«5 qańtar kúni keshki ýaqytta 7 qarý-jaraq dúkenine shabýyl jasalyp, áskeri qarý-jaraq alǵany týraly kezekshi bólimge jedel aqparat túse bastady. Olardyń óz qarýy bolǵanyn da joqqa shyǵarmaimyn. Shamamen osy ýaqytta, qarýlanǵan jáne daiyndyǵy bar birneshe top departamenttiń ákimshilik ǵimaraty men qalanyń ár jerindegi politsiia basqarmalaryna shabýyl jasaýǵa nieti bar ekeni jedel aqparat kózderinen belgili boldy. Olardyń maqsaty - qarý-jaraq arsenaldaryn basyp alý boldy. Bul týraly birden IIM Erlan Turǵymbaevqa habarlandy. Elordada politsiia ǵimarattaryn qorǵaýdyń arnaiy josparyn dereý qoldanysqa engizý týraly sheshim qabyldandy jáne keiinirek belgili bolǵandai, bul shara shynymen de der kezinde jasaldy», – dedi Qanat Taimerdenov.
Onyń aitýynsha, ǵimarattarda qarý-jaraqtyń iri arsenaly bolǵandyqtan, eń aldymen tótep berý mańyzdy boldy.
«Men búkil politsiia bólimsheleriniń basshylarymen habarlasyp, yqtimal shabýyldarǵa daiyn bolýy úshin olar men olardyń jeke quramy oryndaryna ornyǵýyna buiryq berdim. Rasymen de, keshki saǵat jetiler shamasynda qarýly adamdar bizdiń ǵimaratqa jinala bastady. Alǵashynda qorqytyp, berilińder dep talap etti. Biraq biz berilýden bas tartqannan keiin, shabýyl bastaldy. Túnde bir ǵana departament ǵimaratyna 27 shabýyl jasalǵanyn aitqan bolatynbyz. Tańǵa jýyq bizge kómek kerek boldy. Túngi úsh-tórt shamasynda bizde oq-dári taýsyla bastady. Biz bul týraly ministrge habarlaǵanymyzda, ol Ulttyq ulanǵa buiryq berip, olar brondalǵan arnaiy kólikpen bizge qarai kirip, oq-dári jetkizip úlgerdi. Ol kezde biz munyń qanshalyqty tez aiaqtalatynyn túsinbedik», – deidi Almaty qalalyq politsiia departamentiniń basshysy Qanat Taimerdenov.
