سودىرلار تەرتٸپ ساقشىلارىنىڭ قارۋدى تاستاپ, بەرٸلۋٸن تالاپ ەتكەن. بۇل تۋرالى الماتى قالالىق پوليتسييا دەپارتامەنتٸنٸڭ باستىعى قانات تايمەردەنوۆ ايتتى, دەپ حابارلايدى قازاقپارات.
«5 قاڭتار كٷنٸ كەشكٸ ۋاقىتتا 7 قارۋ-جاراق دٷكەنٸنە شابۋىل جاسالىپ, ەسكەري قارۋ-جاراق العانى تۋرالى كەزەكشٸ بٶلٸمگە جەدەل اقپارات تٷسە باستادى. ولاردىڭ ٶز قارۋى بولعانىن دا جوققا شىعارمايمىن. شامامەن وسى ۋاقىتتا, قارۋلانعان جەنە دايىندىعى بار بٸرنەشە توپ دەپارتامەنتتٸڭ ەكٸمشٸلٸك عيماراتى مەن قالانىڭ ەر جەرٸندەگٸ پوليتسييا باسقارمالارىنا شابۋىل جاساۋعا نيەتٸ بار ەكەنٸ جەدەل اقپارات كٶزدەرٸنەن بەلگٸلٸ بولدى. ولاردىڭ ماقساتى - قارۋ-جاراق ارسەنالدارىن باسىپ الۋ بولدى. بۇل تۋرالى بٸردەن ٸٸم ەرلان تۇرعىمباەۆقا حابارلاندى. ەلوردادا پوليتسييا عيماراتتارىن قورعاۋدىڭ ارنايى جوسپارىن دەرەۋ قولدانىسقا ەنگٸزۋ تۋرالى شەشٸم قابىلداندى جەنە كەيٸنٸرەك بەلگٸلٸ بولعانداي, بۇل شارا شىنىمەن دە دەر كەزٸندە جاسالدى», – دەدٸ قانات تايمەردەنوۆ.
ونىڭ ايتۋىنشا, عيماراتتاردا قارۋ-جاراقتىڭ ٸرٸ ارسەنالى بولعاندىقتان, ەڭ الدىمەن تٶتەپ بەرۋ ماڭىزدى بولدى.
«مەن بٷكٸل پوليتسييا بٶلٸمشەلەرٸنٸڭ باسشىلارىمەن حابارلاسىپ, ىقتيمال شابۋىلدارعا دايىن بولۋى ٷشٸن ولار مەن ولاردىڭ جەكە قۇرامى ورىندارىنا ورنىعۋىنا بۇيرىق بەردٸم. راسىمەن دە, كەشكٸ ساعات جەتٸلەر شاماسىندا قارۋلى ادامدار بٸزدٸڭ عيماراتقا جينالا باستادى. العاشىندا قورقىتىپ, بەرٸلٸڭدەر دەپ تالاپ ەتتٸ. بٸراق بٸز بەرٸلۋدەن باس تارتقاننان كەيٸن, شابۋىل باستالدى. تٷندە بٸر عانا دەپارتامەنت عيماراتىنا 27 شابۋىل جاسالعانىن ايتقان بولاتىنبىز. تاڭعا جۋىق بٸزگە كٶمەك كەرەك بولدى. تٷنگٸ ٷش-تٶرت شاماسىندا بٸزدە وق-دەرٸ تاۋسىلا باستادى. بٸز بۇل تۋرالى مينيسترگە حابارلاعانىمىزدا, ول ۇلتتىق ۇلانعا بۇيرىق بەرٸپ, ولار بروندالعان ارنايى كٶلٸكپەن بٸزگە قاراي كٸرٸپ, وق-دەرٸ جەتكٸزٸپ ٷلگەردٸ. ول كەزدە بٸز مۇنىڭ قانشالىقتى تەز اياقتالاتىنىن تٷسٸنبەدٸك», – دەيدٸ الماتى قالالىق پوليتسييا دەپارتامەنتٸنٸڭ باسشىسى قانات تايمەردەنوۆ.
