Foto: ashyq derekkóz
2024 jylǵy 13 tamyzda Úkimette ótken baspasóz konferentsiiasynda Qazaqstannyń Indýstriia jáne qurylys ministri Qanat Sharlapaev eldegi ýtilalym máselesine qatysty pikir bildirip, bul taqyrypty jabýdy usyndy, dep habarlaidy "Ult aqparat" Zakon.kz-ke silteme jasap.
Qanat Sharlapaev ýtilalym máselesiniń birneshe ret qaralǵanyn atap ótti.
«Birneshe májilis ótkizildi. Petitsiiany bastaýshylar keltirgen dálelder zańdy negizde joqqa shyǵaryldy. Memlekettik organdar osy másele boiynsha sheshimdi jumys tobynyń aiasynda birlesip qabyldady. Budan artyq túsinikteme bermeimin. Men psevdo-sarapshylardyń nemese bul taqyrypta manipýliatsiia jasaityn adamdardyń tekserilmegen málimdemelerin túsindirmeimin», – dedi ol.
Sharlapaev bul máselege qatysty resmi sheshim qabyldanǵanyn, sondyqtan túsinikteme berýdi durys dep sanamaitynyn aitty.
«Zań bar, zań aiasynda petitsiia qaraldy, sheshim qabyldandy, sondyqtan memlekettik organdardyń qabyldaǵan ujymdyq sheshimin túsindire almaimyn. Bul máseleni jabýdy usynamyn jáne budan bylai bul týraly eshqandai túsinikteme bermeimiz. Men taǵy da aitamyn, ýtilalym máselesine qatysty túsinikteme bermeimiz, óitkeni memlekettik organdar bul máselege qatysty óz ustanymdaryn resmi túrde bildirdi», – dep túiindedi ministr.
