فوتو: اشىق دەرەككٶز
2024 جىلعى 13 تامىزدا ٷكٸمەتتە ٶتكەن باسپاسٶز كونفەرەنتسيياسىندا قازاقستاننىڭ يندۋسترييا جەنە قۇرىلىس مينيسترٸ قانات شارلاپاەۆ ەلدەگٸ ۋتيلالىم مەسەلەسٸنە قاتىستى پٸكٸر بٸلدٸرٸپ, بۇل تاقىرىپتى جابۋدى ۇسىندى, دەپ حابارلايدى "ۇلت اقپارات" Zakon.kz-كە سٸلتەمە جاساپ.
قانات شارلاپاەۆ ۋتيلالىم مەسەلەسٸنٸڭ بٸرنەشە رەت قارالعانىن اتاپ ٶتتٸ.
«بٸرنەشە مەجٸلٸس ٶتكٸزٸلدٸ. پەتيتسييانى باستاۋشىلار كەلتٸرگەن دەلەلدەر زاڭدى نەگٸزدە جوققا شىعارىلدى. مەملەكەتتٸك ورگاندار وسى مەسەلە بويىنشا شەشٸمدٸ جۇمىس توبىنىڭ اياسىندا بٸرلەسٸپ قابىلدادى. بۇدان ارتىق تٷسٸنٸكتەمە بەرمەيمٸن. مەن پسەۆدو-ساراپشىلاردىڭ نەمەسە بۇل تاقىرىپتا مانيپۋلياتسييا جاسايتىن ادامداردىڭ تەكسەرٸلمەگەن مەلٸمدەمەلەرٸن تٷسٸندٸرمەيمٸن», – دەدٸ ول.
شارلاپاەۆ بۇل مەسەلەگە قاتىستى رەسمي شەشٸم قابىلدانعانىن, سوندىقتان تٷسٸنٸكتەمە بەرۋدٸ دۇرىس دەپ سانامايتىنىن ايتتى.
«زاڭ بار, زاڭ اياسىندا پەتيتسييا قارالدى, شەشٸم قابىلداندى, سوندىقتان مەملەكەتتٸك ورگانداردىڭ قابىلداعان ۇجىمدىق شەشٸمٸن تٷسٸندٸرە المايمىن. بۇل مەسەلەنٸ جابۋدى ۇسىنامىن جەنە بۇدان بىلاي بۇل تۋرالى ەشقانداي تٷسٸنٸكتەمە بەرمەيمٸز. مەن تاعى دا ايتامىن, ۋتيلالىم مەسەلەسٸنە قاتىستى تٷسٸنٸكتەمە بەرمەيمٸز, ٶيتكەنٸ مەملەكەتتٸك ورگاندار بۇل مەسەلەگە قاتىستى ٶز ۇستانىمدارىن رەسمي تٷردە بٸلدٸردٸ», – دەپ تٷيٸندەدٸ مينيستر.
