Qazaqstandyq orta salmaqtaǵy boksshy Qanat Islamnyń (28-0, 22 KO) kelesi qarsylasy kim bolatyny belgili boldy, dep habarlaidy QazAqparat Sports.kz saityna silteme jasap.
«Qazaqtyń» ringke oralýy 2022 jyldyń 21 qańtarynda AQSh-tyń Florida shtatyna qarasty Plant-Sitide ótedi. Boksshynyń qarsylasy britandyq Djimmi Kelli (25-2, 10 KO) bolmaq.
Manchesterdiń 29 jastaǵy týmasy sońǵy jekpe-jegin ótkizgenine kóp ýaqyt ótken joq – 12 jeltoqsanda Ekklste úshinshi raýndta óz otandasy Garri Mettiýsti
(16-50-3, 2 KO) nokaýtqa jiberdi.
2015 jyly Kelli WBO nusqasy boiynsha birinshi orta salmaqtaǵy álem chempiony titýly úshin onyń sol kezdegi iegeri – Liam Smitpen judyryqtasty, alaida sol kezde tehnikalyq nokaýtpen jeńilip qalǵan bolatyn.
Qanat Islam sońǵy jekpe-jegin 20 aqpan kúni Maiamide ótkizgen. Ekvadorlyq boksshy Djeison Mindýmen(14-5-1, 8 KO) bolǵan jekpe-jektiń jetinshi raýndynda qarsylasyn tehnikalyq nokaýtpen jeńgen.
Bul – qazaqstandyq boksshynyń 2019 jyldan beri ringke birinshi shyǵýy edi.
