قازاقستاندىق ورتا سالماقتاعى بوكسشى قانات يسلامنىڭ (28-0, 22 كو) كەلەسٸ قارسىلاسى كٸم بولاتىنى بەلگٸلٸ بولدى, دەپ حابارلايدى قازاقپارات Sports.kz سايتىنا سٸلتەمە جاساپ.
«قازاقتىڭ» رينگكە ورالۋى 2022 جىلدىڭ 21 قاڭتارىندا اقش-تىڭ فلوريدا شتاتىنا قاراستى پلانت-سيتيدە ٶتەدٸ. بوكسشىنىڭ قارسىلاسى بريتاندىق دجيممي كەللي (25-2, 10 كو) بولماق.
مانچەستەردٸڭ 29 جاستاعى تۋماسى سوڭعى جەكپە-جەگٸن ٶتكٸزگەنٸنە كٶپ ۋاقىت ٶتكەن جوق – 12 جەلتوقساندا ەككلستە ٷشٸنشٸ راۋندتا ٶز وتانداسى گارري مەتتيۋستٸ
(16-50-3, 2 كو) نوكاۋتقا جٸبەردٸ.
2015 جىلى كەللي WBO نۇسقاسى بويىنشا بٸرٸنشٸ ورتا سالماقتاعى ەلەم چەمپيونى تيتۋلى ٷشٸن ونىڭ سول كەزدەگٸ يەگەرٸ – ليام سميتپەن جۇدىرىقتاستى, الايدا سول كەزدە تەحنيكالىق نوكاۋتپەن جەڭٸلٸپ قالعان بولاتىن.
قانات يسلام سوڭعى جەكپە-جەگٸن 20 اقپان كٷنٸ ماياميدە ٶتكٸزگەن. ەكۆادورلىق بوكسشى دجەيسون ميندۋمەن(14-5-1, 8 كو) بولعان جەكپە-جەكتٸڭ جەتٸنشٸ راۋندىندا قارسىلاسىن تەحنيكالىق نوكاۋتپەن جەڭگەن.
بۇل – قازاقستاندىق بوكسشىنىڭ 2019 جىلدان بەرٸ رينگكە بٸرٸنشٸ شىعۋى ەدٸ.
