Qazaqstandyq kásipqoi boksshy Qanat Islam (26-0, 21KO) BoxRec.com portalynyń álemdik reitingine qaita endi, dep habarlaidy "Ult aqparat".
Kásipqoi bokstaǵy 26 jekpe-jeginde jeńiske jetkennen keiin Qanat Islam sýper orta salmaqta 88.69 upaimen 1561 kásipqoi boksshy arasynda 35-orynǵa jaiǵasty. Sondai-aq, ol óz salmaǵynda qazaqstandyq kásipqoi boksshylar arasynda kósh bastap tur.
Eske salaiyq, 34 jastaǵy qazaqstandyq boksshy 5 shilde Almaty qalasynda eki jylǵa jýyq uzilisten keiin kásipqoi ringke qaita oraldy. Otandasymyz dominikalyq qarsylasy Hýlio de Hesýsty (27-2, 24KO) 14 sekýndta nokaýtqa túsirip, orta salmaqta WBO Inter-Continental chempiondyq beldigin jeńip aldy.
