قانات يسلام ەلەمدٸك رەيتينگكە قايتا ورالدى

قازاقستاندىق كەسٸپقوي بوكسشى قانات يسلام (26-0, 21كو) BoxRec.com پورتالىنىڭ ەلەمدٸك رەيتينگٸنە قايتا ەندٸ, دەپ حابارلايدى "ۇلت اقپارات".

كەسٸپقوي بوكستاعى 26 جەكپە-جەگٸندە جەڭٸسكە جەتكەننەن كەيٸن قانات يسلام سۋپەر ورتا سالماقتا 88.69 ۇپايمەن 1561 كەسٸپقوي بوكسشى اراسىندا 35-ورىنعا جايعاستى. سونداي-اق, ول ٶز سالماعىندا قازاقستاندىق كەسٸپقوي بوكسشىلار اراسىندا كٶش باستاپ تۇر.

ەسكە سالايىق, 34 جاستاعى قازاقستاندىق بوكسشى 5 شٸلدە الماتى قالاسىندا ەكٸ جىلعا جۋىق ۇزٸلٸستەن كەيٸن كەسٸپقوي رينگكە قايتا ورالدى. وتانداسىمىز  دومينيكالىق قارسىلاسى حۋليو دە حەسۋستى (27-2, 24كو) 14 سەكۋندتا نوكاۋتقا تٷسٸرٸپ, ورتا سالماقتا WBO Inter-Continental چەمپيوندىق بەلدٸگٸن جەڭٸپ الدى.