Hokkeiden jastar arasyndaǵy álem chempionatyna barǵan Resei komandasy Kanadanyń Kalgari qalasynan 1 qańtarda Eýropaǵa qaita almady. Oiynshylar men jattyqtyrýshylardy "betperde taǵý talabyn oryndamaǵany" jáne "ushaqqa otyrar kezde temeki tartqany" úshin ushaqqa otyrǵyzbaǵan, dep habarlaidy Azattyq.
Reseiliktermen bir ushaqta Chehiia quramasy da Eýropaǵa qaitýy tiis edi. Resei komandasynyń bas bapkeri Sergei Zýbovtyń "Match TV" telearnasyna túsindirýinshe, eki kompandanyń da keibir oiynshylar betperdeni durys taqpaǵan.
Chehiia jastar quramasynyń menedjeri Otakar Cherny áýe reisinen shettetýge reseilik hokkeishilerdiń qylyǵy sebep boldy deidi. Onyń sózinshe, spirttik ishimdik iship alǵan reseilikter sanitarlyq talapty oryndamaǵan dep habarlady chehtyń Sport.cz basylymy. Resei delegatsiiasynyń bir múshesi ushaqqa minetin orynda turyp temeki tartqan. "Ekipaj chehtardy orystarǵa uqsatqandyqtan, ushaqqa otyrǵyzbai qoidy" dep túsindirgen Cherny.
Reseilik sport jýrnalisi Pavel Lysenkov bolsa chehtar mas bolǵan deidi. Al temeki tartqan adam – Resei kompandasynyń bas bapkeri Sergei Zýbov, dep habarlady jýrnalist Telegram áleýmettik jelisinde. Reseilik "Izvestiia" basylymyna ushaqta bolǵan oqiǵa jaily taǵy bir adam (aty-jónin ataǵysy kelmegen) da solai dep aitqan.
Resei quramasy kelesi áýe reisimen Kanadadan ushyp ketken.
Otakar Cherny Air Canada kompaniiasy ókilderi Chehiia kompandasynan keshirim surap, olardy 1 qańtarda qonaqúige ornalastyryp, Frankfýrt qalasyna (Germaniia) deiin ushaqqa otyrǵyzýǵa járdemdeskenin habarlady.
Reseilik bas bapker Zýbov temekini qoiǵanyna úsh jyl bolǵanyn málimdegen. Sportshylar jappai koronavirýs juqtyryp alǵandyqtan, Kanadadaǵy jarys ótken joq.
