QR Syrtqy ister ministri Twitter jelisindegi paraqshasynda Amerikadaǵy Yahoo kompaniiasynyń akkaýntaryn buzdy dep aiyptalyp otyrǵandardyń biri Karim Baratovqa qatysty málimdeme jasady, - dep habarlaidy "Ult aqparat" kaz.tengrinews.kz portalyna silteme jasap.
Vedomstvo ókilderi Baratovtyń Qazaqstan azamaty emes ekenin málimdedi. Sebebi, keibir BAQ-tar ony Qazaqstan azamaty dep jatyr eken. "Ol 2011 jyly respýblika zańnamasyna sáikes Qazaqstan azamattyǵynan aiyrylǵan", - dedi SIM ókilderi.
Al Reuters basylymy resmi málimetterge súiene otyryp, 15 naýryzda, sársenbide AQSh úkimetiniń reseilik eki tyńshy men taǵy eki hakerge 2014 jyly Yahoo men Google kompaniiasy qoldanýshylarynyń 500 million akkaýntyn buzǵany úshin aiyptap otyrǵanyn aitady. Agenttiktiń málimetinshe, AQSh úkimeti birinshi ret osylai reseilik sheneýnikterdi kiberkeńistiktegi qylmystar úshin aiyptap jatyr. "Aiyptalýshylar Resei men AQSh ókilderiniń Yahoo-akkaýnttaryna shabýyl jasaǵan. Sondai-aq, olar kiberqaýipsizdik máselelerimen ainalysatyn diplomattar men áskerilerge, reseilik jýrnalisterge, basqa vedomstvoda jumys isteitin qyzmetkerlerge, qarjy jáne kommertsiialyq kompaniialardyń qyzmetkerleriniń akkaýntaryna shabýyl jasaǵan", - dep keltiredi RIA Novosti AQSh-tyń ádilet ministriniń aitqan sózin.
"Bul iste taǵy eki figýrant bar - Resei qaýipsizdik qyzmetindegi Dmitrii Dokýchaev pen Igor Sýshin, sondai-aq, izdeýde júrgen Aleksei Belan men Qazaqstanda dúniege kelgen, biraq Kanada azamaty Karim Baratov ta bar", - dep jazady The Washington Post. 22 jastaǵy Karim Baratov Kanadanyń Toronto qalasynda qamaýǵa alyndy.
Dmitrii Dokýchaev, Igor Sýshin, Aleksei Belan.
Karim Baratov. © CHCH.com
Aita keteiik, Yahoo kompaniiasy akkaýnttaryna shabýyldar jasalǵany jaily byltyr belgili bolǵan edi.
