Kanadanyń Sentennial kolledjinde bilim alyp jatqan qazaqstandyq stýdent jol apatynan mert boldy, dep habarlaidy QazAqparat SIM silteme jasap.
«Toronto qalasy politsiiasynyń aqparatyna sáikes, 22 jeltoqsan kúni keshkisin Toronto qalasynyń Skarboro aýdanynda júrgizýshi kóligin basqara almai qalyp, jaiaý júrginshi jolynda ketip bara jatqan úsh stýdentti qaǵyp ketken. Eki stýdent qaza tapty, bireýiniń jaǵdaiy óte aýyr. Politsiia aqparatyna sáikes, qaza tapqan stýdenttiń biri Qazaqstan azamaty, Sentannial kolledjiniń bilim alýshysy. Oqys oqiǵa baqylaýǵa alynǵan. Konsýldyq qaza tapqan azamattyń týystarymen jáne jergilikti politsiiamen bailanysyp otyr», - dedi QR SIM resmi ókili Aibek Smadiiarov.
