كانادانىڭ سەنتەننيال كوللەدجٸندە بٸلٸم الىپ جاتقان قازاقستاندىق ستۋدەنت جول اپاتىنان مەرت بولدى, دەپ حابارلايدى قازاقپارات سٸم سٸلتەمە جاساپ.
«تورونتو قالاسى پوليتسيياسىنىڭ اقپاراتىنا سەيكەس, 22 جەلتوقسان كٷنٸ كەشكٸسٸن تورونتو قالاسىنىڭ سكاربورو اۋدانىندا جٷرگٸزۋشٸ كٶلٸگٸن باسقارا الماي قالىپ, جاياۋ جٷرگٸنشٸ جولىندا كەتٸپ بارا جاتقان ٷش ستۋدەنتتٸ قاعىپ كەتكەن. ەكٸ ستۋدەنت قازا تاپتى, بٸرەۋٸنٸڭ جاعدايى ٶتە اۋىر. پوليتسييا اقپاراتىنا سەيكەس, قازا تاپقان ستۋدەنتتٸڭ بٸرٸ قازاقستان ازاماتى, سەنتاننيال كوللەدجٸنٸڭ بٸلٸم الۋشىسى. وقىس وقيعا باقىلاۋعا الىنعان. كونسۋلدىق قازا تاپقان ازاماتتىڭ تۋىستارىمەن جەنە جەرگٸلٸكتٸ پوليتسييامەن بايلانىسىپ وتىر», - دەدٸ قر سٸم رەسمي ٶكٸلٸ ايبەك سماديياروۆ.
