Kanadalyq zańgerler Tegeranda "Mejdýnarodnye avialinii Ýkrainy" áýekompaniiasynyń Boeing 737 ushaǵynyń apatqa ushyraýyna bailanysty Irandy sotqa berdi, - dep habarlaidy Reuters.
Olar 1,5 milliard kanadalyq dollar (1,1 milliard dollar) kóleminde ótemaqy tóleýdi talap etti. Jaýap berýshi retinde Iran, Áli Hamenei Islam Respýblikasynyń joǵarǵy kóshbasshysy, Islam revoliýtsiiasynyń kúzet korpýsy jáne basqalar ataldy.
Sotqa shaǵymdanǵandardyń biri apatta qurban bolǵan bir adamnyń "jaqyn týysy retinde" sipattalǵan. Esimi kim ekeni belgisiz, óitkeni onyń "irandyq otbasy" el biliginen zardap shegýi múmkin.
Aryzda ýkrainalyq lainerdiń Iranda qulaýy "ádeii uiymdastyrylǵan terrorlyq akti" dep kórsetilgen.
Eske salaiyq, "Mejdýnarodnye avialinii Ýkrainy" áýekompaniiasynyń Boeing 737 ushaǵy Tegeran áýejaiynan 8 qańtarda ushyp shyǵyp, apatqa ushyrady. Bortta 176 adam qaza tapty. Onda Aýǵanstan, Germaniia, Iran, Kanada, Ýkraina, Ulybritaniia jáne Shvetsiia azamattary bolǵan.
Keiin Iran ýkrainalyq ushaqty baiqaýsyzda qulatqanyn moiyndaǵan. Ýkraina prezidenti Vladimir Zelenskii Tegerannan kináni tolyq moiyndap, resmi keshirim jasaǵanyn, kinálilerdi jazalaý jáne ótemaqy kútetinin málimdegen.
