Kambodja Koroldigi Ishki ister ministrliginiń delegatsiiasy memlekettik qyzmetterdi kórsetý júiesin tsifrlandyrý men modernizatsiialaýdaǵy qazaqstandyq tájiribeni úirený maqsatynda «Azamattarǵa arnalǵan úkimet» memlekettik korporatsiiasyna bardy, dep habarlaidy ult.kz.
Sapar barysynda sheteldik qonaqtar front-ofisterdiń jumysymen, ótinimderdi qabyldaý jáne daiyn qujattardy berý protsesimen, sondai-aq azamattarǵa kórsetiletin qyzmet sapasy men jyldamdyǵyn arttyrýǵa baǵyttalǵan zamanaýi sheshimdermen tanysty.
Qoldanystaǵy júieniń aýqymy delegatsiiaǵa Qazaqstandaǵy halyqqa memlekettik qyzmet kórsetýdi uiymdastyrý barysyn is júzinde kórýge múmkindik berdi. Búgingi tańda elde jumys isteitin 318 front-ofistarynda azamattarǵa memlekettik qyzmettiń 1330 túri qoljetimdi. Onyń 1272-si elektrondyq úkimet portaly arqyly onlain-formatta kórsetiledi.
Sapar aiasynda delegatsiiaǵa Kaidzen qaǵidattary boiynsha jobalanǵan, ózine-ózi qyzmet kórsetý aimaqtary keńeitilgen zamanaýi «Halyqqa qyzmet kórsetýdiń tsifrlyq ofisteri», sondai-aq azamattarǵa daiyn qujattardy 24/7 rejiminde alýǵa múmkindik beretin postamattar tanystyryldy.
Kambodja ókilderiniń erekshe qyzyǵýshylyǵyn tsifrlyq tehnologiialar men biometriialyq sáikestendirýdi ushtastyratyn tsifrlyq HQKO-nyń jańa formaty – AI-ofister týdyrdy. AI-ofister úsh fýnktsionaldyq aimaqty qamtidy: SELF – ózine-ózi qyzmet kórsetý terminaldary arqyly anyqtamalar alýǵa, DIGITAL – onlain qyzmetterdi rásimdeýge jáne ASSIST – kúrdeli máselelerdi konsýltanttyń kómegimen sheshýge baǵyttalǵan.
Kambodja Ishki ister ministrliginiń ókilderi tanystyrylǵan tsifrlyq sheshimderdiń tiimdiligi men praktikalyq mańyzyn joǵary baǵalady. Delegatsiia músheleri memlekettik qyzmet kórsetý úderisterin tsifrlandyrýǵa, ózine-ózi qyzmet kórsetý múmkindikterin keńeitýge jáne zamanaýi tehnologiialardy engizýge erekshe qyzyǵýshylyq tanytty. Qazaqstannyń bul baǵyttaǵy tájiribesi Kambodjada memlekettik qyzmetti kórsetý júiesin odan ári jańǵyrtý jáne jetildirý barysynda paidaly bolatynyn atap ótti.
