Qaraǵandyda oblys prokýratýrasy apparatynyń basshysy Arman Kóshekbaev qaltasyna pyshaq salyp meiramhanada júr delingen video zerttelip jatyr, - dep habarlaidy Tengrinews.kz agenttigi.
Áleýmettik jelide Qaraǵandy oblysy prokýratýrasy apparatynyń basshysy Arman Kóshekbaevqa uqsaityn er adam túsirilgen video talqylanyp jatyr. Kadrlarǵa qaraǵanda, jazba qaladaǵy oiyn-saýyq oryndarynyń birinde túsirilgen. Kadrlardan prokýratýra qyzmetkeri delingen adam mekeme kúzetshileriniń birimen sóilesip turǵanyn kórýge bolady. Osy kezde janyndaǵylar ony tynyshtandyryp, ǵimarattan shyǵarýǵa tyrysady.
Bir kezde video keiipkeri burylǵanda, kúzetshi onyń shalbarynyń artqy qaltasynan pyshaqty sýyryp alady.
Bul video Jelide rezonans týdyrdy. Qoldanýshylar video keiipkerleri arasynda prokýratýra qyzmetkerleri baryn aityp jatyr.
Bul rette Qaraǵandy oblysy prokýratýrasynyń baspasóz qyzmeti videoǵa qatysty pikir bildirdi. Vedomstvo málimetinshe, videoǵa túsirilgen oqiǵa byltyr bolǵan.
"Áleýmettik jeliler men messendjerlerde Qaraǵandy qalasyndaǵy oiyn-saýyq nysanynda prokýratýra qyzmetkeri túsirilgen video taraýyna bailanysty qyzmettik tekseris bastaldy. Qazirgi ýaqytta bul derek 2021 jyly bolǵany anyqtaldy. Basqa mán-jailar tekserilip jatyr", - dedi Qaraǵandy oblysy prokýratýrasynyń baspasóz qyzmeti ókilderi.
