قاراعاندىدا وبلىس پروكۋراتۋراسى اپپاراتىنىڭ باسشىسى ارمان كٶشەكباەۆ قالتاسىنا پىشاق سالىپ مەيرامحانادا جٷر دەلٸنگەن ۆيدەو زەرتتەلٸپ جاتىر, - دەپ حابارلايدى Tengrinews.kz اگەنتتٸگٸ.
ەلەۋمەتتٸك جەلٸدە قاراعاندى وبلىسى پروكۋراتۋراسى اپپاراتىنىڭ باسشىسى ارمان كٶشەكباەۆقا ۇقسايتىن ەر ادام تٷسٸرٸلگەن ۆيدەو تالقىلانىپ جاتىر. كادرلارعا قاراعاندا, جازبا قالاداعى ويىن-ساۋىق ورىندارىنىڭ بٸرٸندە تٷسٸرٸلگەن. كادرلاردان پروكۋراتۋرا قىزمەتكەرٸ دەلٸنگەن ادام مەكەمە كٷزەتشٸلەرٸنٸڭ بٸرٸمەن سٶيلەسٸپ تۇرعانىن كٶرۋگە بولادى. وسى كەزدە جانىنداعىلار ونى تىنىشتاندىرىپ, عيماراتتان شىعارۋعا تىرىسادى.
بٸر كەزدە ۆيدەو كەيٸپكەرٸ بۇرىلعاندا, كٷزەتشٸ ونىڭ شالبارىنىڭ ارتقى قالتاسىنان پىشاقتى سۋىرىپ الادى.
بۇل ۆيدەو جەلٸدە رەزونانس تۋدىردى. قولدانۋشىلار ۆيدەو كەيٸپكەرلەرٸ اراسىندا پروكۋراتۋرا قىزمەتكەرلەرٸ بارىن ايتىپ جاتىر.
بۇل رەتتە قاراعاندى وبلىسى پروكۋراتۋراسىنىڭ باسپاسٶز قىزمەتٸ ۆيدەوعا قاتىستى پٸكٸر بٸلدٸردٸ. ۆەدومستۆو مەلٸمەتٸنشە, ۆيدەوعا تٷسٸرٸلگەن وقيعا بىلتىر بولعان.
"ەلەۋمەتتٸك جەلٸلەر مەن مەسسەندجەرلەردە قاراعاندى قالاسىنداعى ويىن-ساۋىق نىسانىندا پروكۋراتۋرا قىزمەتكەرٸ تٷسٸرٸلگەن ۆيدەو تاراۋىنا بايلانىستى قىزمەتتٸك تەكسەرٸس باستالدى. قازٸرگٸ ۋاقىتتا بۇل دەرەك 2021 جىلى بولعانى انىقتالدى. باسقا مەن-جايلار تەكسەرٸلٸپ جاتىر", - دەدٸ قاراعاندى وبلىسى پروكۋراتۋراسىنىڭ باسپاسٶز قىزمەتٸ ٶكٸلدەرٸ.
