Qalmuhanbet Qasymov Qazaqstan Respýblikasy Memlekettik kúzet qyzmetiniń bastyǵy bolyp taǵaiyndaldy, dep habarlaidy "Ult aqparat" Aqordanyń resmi saityna silteme jasap.
Qalmuhanbet Qasymov 1957 jyly 18 mamyrda Almaty oblysynda dúniege kelgen.
1979 jyly S.Kirov atyndaǵy Qazaq memlekettik ýniversitetiniń zań fakýltetin bitirgen.
Eńbek joly:
1979-2005 jyldary ishki ister organdarynyń jedel-tergeý bólimshelerinde qyzmet atqarǵan (Almaty q., Astana q. jáne Almaty oblysy).
2005-2009 jyldary – Qazaqstan Respýblikasynyń Ishki ister vitse-ministri, birinshi vitse-ministri.
2009-2011 jyldary – Shyǵys Qazaqstan oblysynyń Ishki ister departamenti bastyǵy.
2011-2019 jyldary – Qazaqstan Respýblikasynyń Ishki ister ministri.
2019 jylǵy 12 aqpanda Memleket basshysynyń Jarlyǵymen Qazaqstan Respýblikasy Prezidentiniń kómekshisi – Qaýipsizdik Keńesiniń hatshysy bolyp taǵaiyndaldy.
«Dańq» ordeniniń kavaleri.
Politsiia general-polkovnigi.
Aita keteiik, Memleket basshysynyń Jarlyǵymen Qalmuhanbet Nurmuhanbetuly Qasymov Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy qyzmetinen bosatyldy.
