Qalila Omarovtyń «Alashorda» derekti filmi jelide jariialandy, dep habarlaidy «Qazaqfilm» kompaniiasy.
«2009 jyly túsirilgen Qalila Omarovtyń «Alashorda» derekti filminde kórnekti ǵalymdar, memleket, qoǵam qairatkerleri, tarihshylar men jazýshylar Alash avtonomiiasynyń qurylýy men Alash qozǵalysynyń 1905 jyldan bergi qoǵamdyq-saiasi qyzmeti týraly baiandaidy.
Tarihnamalyq materialdar sol dáýirdiń beinesi men keibir ańyzǵa ainalǵan tulǵalardyń taǵdyryn kópke beimálim qyrynan ashady», delingen «Qazaqfilmniń» Instagram-daǵy paraqshasynda.
Eske sala ketsek, 1917 jyldyń 12 jeltoqsanynda, Orynbor qalasynda ótken 2-jalpyqazaq sezinde Alash Orda úkimetin qurylǵany jariialanǵan bolatyn. Jalpyqazaq sezi 5-13 jeltoqsan aralyǵynda ótti. Liberaldy demokratizm, qazaq halqynyń múddesin qorǵaý - Alash partiiasynyń saiasi platformasyn ózgelerden góri biikke kóterip turdy.
