قاليلا وماروۆتىڭ «الاشوردا» دەرەكتٸ فيلمٸ جەلٸدە جارييالاندى, دەپ حابارلايدى «قازاقفيلم» كومپانيياسى.
«2009 جىلى تٷسٸرٸلگەن قاليلا وماروۆتىڭ «الاشوردا» دەرەكتٸ فيلمٸندە كٶرنەكتٸ عالىمدار, مەملەكەت, قوعام قايراتكەرلەرٸ, تاريحشىلار مەن جازۋشىلار الاش اۆتونوميياسىنىڭ قۇرىلۋى مەن الاش قوزعالىسىنىڭ 1905 جىلدان بەرگٸ قوعامدىق-ساياسي قىزمەتٸ تۋرالى باياندايدى.
تاريحنامالىق ماتەريالدار سول دەۋٸردٸڭ بەينەسٸ مەن كەيبٸر اڭىزعا اينالعان تۇلعالاردىڭ تاعدىرىن كٶپكە بەيمەلٸم قىرىنان اشادى», دەلٸنگەن «قازاقفيلمنٸڭ» Instagram-داعى پاراقشاسىندا.
ەسكە سالا كەتسەك, 1917 جىلدىڭ 12 جەلتوقسانىندا, ورىنبور قالاسىندا ٶتكەن 2-جالپىقازاق سەزٸندە الاش وردا ٷكٸمەتٸن قۇرىلعانى جارييالانعان بولاتىن. جالپىقازاق سەزٸ 5-13 جەلتوقسان ارالىعىندا ٶتتٸ. ليبەرالدى دەموكراتيزم, قازاق حالقىنىڭ مٷددەسٸن قورعاۋ - الاش پارتيياسىنىڭ ساياسي پلاتفورماسىن ٶزگەلەردەن گٶرٸ بيٸككە كٶتەرٸپ تۇردى.
