تجم قىزمەتكەرلەرٸ تٷتٸن باسقان تۇرعىن ٷي كەشەنٸنەن 32 ادامدى قۇتقاردى, دەپ حابارلايدى ult.kz.
استانا قالاسى ەسٸل اۋدانى سارايشىق كٶشەسٸندە ورنالاسقان تۇرعىن ٷي كەشەندەرٸنٸڭ بٸرٸنٸڭ اۆتوتۇراعىندا ەلەكتر سىمدارى مەن اۆتوكٶلٸك شينالارى ٶرتەندٸ.
وقيعا ورنىنا تجم بٶلٸمشەلەرٸ جەدەل جەتتٸ. ٶرتتٸ سٶندٸرۋ بارىسىندا گاز-تٷتٸننەن قورعاۋ قىزمەتٸنٸڭ بۋىندارى عيماراتتان 32 ادامدى, ونىڭ ٸشٸندە 13 بالانى قۇتقاردى.
قۇتقارۋشىلاردىڭ جەدەل ەرەكەتتەرٸنٸڭ ارقاسىندا ادامدار قاۋٸپتٸ ايماقتان شىعارىلدى. ٶرت تولىعىمەن سٶندٸرٸلدٸ.
جىلۋدىڭ ەسەرٸنەن تٶرت اۆتوكٶلٸككە زاقىم كەلگەن. زارداپ شەككەندەر جوق.
