Shámshi Qaldaiaqov atyndaǵy Ońtústik Qazaqstan oblystyq filarmoniiasynyń «Nuryn shashqan Ońtústik» atty kontserti Oral jáne Aqtóbe qalalarynda ótti, dep habarlaidy "Ult aqparat".
Aitýly kesh shymyldyǵyn «Elbasy qory» syilyǵynyń laýreaty, halyqaralyq baiqaýdyń bas júlde iegeri «Qazyna» bi ansambli «Qara jorǵa» biimen ashty. Munan soń kórermender ulttyq ónerimizdi shetelderde nasihattap júrgen mádeniet maitalmany Aqmaral Binazarova, QR Mádeniet qairatkerleri Súndet Miraliev jáne Aijan Táshenova, Ainur Nurashova sekildi ánshilerdiń oryndaýynda «Shámshi ánderinen popýri», «Báidibektiń jailaýy», «Bozbala», «Elge sapar», «Dombyra» ánderin tyńdady. Atalǵan mádeniet ókilderiniń ónerin «Súgir» atyndaǵy qazaq ult-aspaptar orkestriniń janynan qurylǵan «Tumar» folklorlyq ansambli súiemeldedi.
Al qarasha aiynda Batys Qazaqstan oblystyq Ǵarifolla Qurmanǵaliev atyndaǵy filarmoniia jáne Ǵaziza Jubanova atyndaǵy Aqtóbe oblystyq filarmoniia ártisteri bizdiń óńirge kelip kontsert qoimaqshy.
Búginde Ońtústik Qazaqstan oblysyndaǵy Sh. Qaldaiaqov atyndaǵy oblystyq filarmoniiada 250-ge jýyq ónerpaz qyzmet etedi. Sodai-aq biyl «Súgir» atyndaǵy qazaq ult-aspaptar orkestri 15 jyldyq mereitoiyn toilaýdamyz. Qasietti Jaiyq óńirimen ornatylǵan mádeni bailanysymyz máńgilik bolsyn!, – deidi Sh. Qaldaiaqov atyndaǵy filarmoniia direktory Nursát Beiseqojaev.
