«Qalamqas» ken ornynda burǵylaý kezinde oryn alǵan apatqa bailanysty qytailyq «Si Bý «Injenerlik burǵylaý kompaniiasy» JShS-ǵa aiyppul salynyp, litsenziiasy ýaqytsha toqtatyldy. Bul týraly Energetika ministrliginiń baspasóz qyzmetinen málim etti, dep habarlaidy "Ult aqparat".
«2018 jyldyń 3 naýryzy kúni saǵat 17:30-da Mańǵystaý oblysyndaǵy «Qalamqas» munai-gaz ken ornynda «Si Bý «IBK» (Aqtaý) JShS-nyń №8237 uńǵymany burǵylaýy kezinde apat oryn alǵan bolatyn. Osy fakti boiynsha Energetika ministrliginiń Munai-gaz keshenindegi memlekettik inspektsiiasynyń batys óńiraralyq basqarmasy 2019 jyldyń 8-19 sáýiri aralyǵynda seriktestikke jospardan tys tekserý júrgizdi», - delingen habarlamada.
Ministrlikten málim etkendei, «Si Bý «IBK» JShS qytailyq kompaniiasy munai jáne tabiǵi gaz óndirý kezinde tehnikalyq qoldaý kórsetýmen ainalysady.
Tekserý nátijeleri boiynsha seriktestiktiń birshama talaptardy oryndamaǵany anyqtalǵan. Atap aitqanda, kómirsýtek salasyndaǵy qyzmetti júzege asyrý úshin qoiylatyn biliktilik talaptary men olarǵa sáikestikti rastaityn qujattar tizbesine sáikessizdigi, tehnologiialyq reglamentterdiń sáikessizdigi, menshik quqyǵynda nemese ózge de zańdy negizde keibir jabdyqtar men aspaptardyń bolýyn rastaityn qujattardyń bolmaýy, arnaiy qyzmetter qurý nemese jaýapty tulǵalardy taǵaiyndaý týraly buiryqtardyń bolmaýy, sondai-aq zańdy jáne «ruqsattar jáne habarlamalar týraly» zań talaptarynyń oryndalmaýy belgili bolǵan.
«Ákimshilik isti qaraý nátijeleri boiynsha 150 AEK mólsherinde ákimshilik aiyppul salyndy. Sondai-aq, «IBK» SiBý» JShS-niń kómirsýtekter salasyndaǵy qyzmet túrlerine memlekettik litsenziianyń qoldanylýy belgilengen buzýshylyqtar joiylǵanǵa deiin toqtatyldy», - delingen habarlamada.
Aita keteiik, tótenshe jaǵdai 13 naýryz kúni Mańǵystaý aýdanyndaǵy «MańǵystaýMunaiGaz» AQ-nyń «Qalamqas» munai-gaz ken ornynda bolǵan edi. «Si Bý» injenerlik burǵylaý kompaniiasy» JShS №8237 uńǵymasyn burǵylaý barysynda gaz-sý qospasy atqylady.
Al 25 naýryz kúni saǵat 07:10-da Mańǵystaý oblystyq TJD kezekshi-dispetcherlik qyzmetine «Qalamqas» ken ornyndaǵy uńǵymadan shyqqan gaz janyp, biikti 10 metrge deiin jalyn atqylap turǵandyǵy habarlandy.
Óz kezeginde QR Prezidenti Qasym-Jomart Toqaev ken ornyndaǵy jaǵdaidy óz baqylaýyna alyp, Úkimetke tiisti tapsyrmalar júktegen bolatyn.
Órt oshaǵy 25 naýryz kúni sóndirildi.
