Mańǵystaý oblysyndaǵy «Qalamqas» munai ken ornynda tutanǵan órtti aýyzdyqtaý qiynǵa soǵýda, dep habarlaidy "Ult aqparat" «QazMunaiGaz» UK» AQ baspasóz qyzmetine silteme jasap.
«Qazirgi kezde órtti sóndirýge Mańǵystaý oblystyq TJD, «Semser - Órt sóndirýshi» JShS jáne «Fair protekshn LTD» JShS-niń 53 qyzmetkeri jáne 12 tehnikasy jumyldyrylǵan. Birneshe ret lafettik uńǵylardyń kómegimen órtti aýyzdyqtaýǵa áreket jasaldy. Biraq órttiń oshaǵyna tikelei kiretin joldar bolmaǵandyqtan, jalyndy aýyzdyqtaý ázirge múmkin bolmai otyr», - delingen habarlamada.
Eske sala keteiik, 25 naýryz kúni saǵat 07-10-da Mańǵystaý oblystyq TJD kezekshi-dispetcherlik qyzmetine Mańǵystaý aýdanyndaǵy «MańǵystaýMunaiGaz» AQ-tyń «Qalamqas» munai ken ornyndaǵy uńǵymalardyń birinen shyqqan gaz janyp, biikti 10 metrge deiin jalyn atqylap turǵandyǵy týraly habarlama túsken. Órt aýmaǵy 900 sharshy metrdi quraǵan.
Onyń aldynda, 13 naýryzynda Mańǵystaý oblysyndaǵy «Qalamqas» munai-gaz ken ornynda «Si Bý» injenerlik burǵylaý kompaniiasy» JShS jobalyq tereńdigi 903 metrlik №8237 uńǵymasyn burǵylaý barysynda gaz-sý qospasy atqylap, tótenshe jaǵdai bolǵan edi. Atalǵan fakti boiynsha Energetika ministrligi Munai-gaz keshenindegi memlekettik inspektsiiasy batys óńiraralyq basqarmasy men Mańǵystaý oblystyq ekologiia departamenti «Mańǵystaý munaigaz» AQ-ǵa qatysty tekserý taǵaiyndaǵan.
