30 sáýir kúni Almaty tehnologiialyq ýniversitetinde «Elbasy N.Á. Nazarbaevtyń «Rýhani jańǵyrý» baǵdarlamasy aiasynda «Jastar jylyna» orai «1 mamyr - Qazaqstan halqynyń birligi kúni» merekesine arnalǵan «Qazaqstan halqynyń shyǵarmashylyǵy» atty qalalyq jastar festivali ótti.
Sharanyń negizgi maqsaty – kórermenge merekelik kóńil-kúi syilai otyryp, jastar arasynda Otansúigishtik sezimdi arttyrý jáne Qazaqstan Respýblikasyndaǵy ulttar dostastyǵynyń úlgisin kórsetý. Festival aiasynda ýniversitettegi fakýltetter teatrlandyrylǵan kórinister qoiyp, án men bi nominatsiiasy boiynsha ózara baiqaýǵa tústi.
Baiqaýǵa Abylai han atyndaǵy Halyqaralyq qatynastar jáne Álem tilderi ýniversiteti prorektorynyń orynbasary Baýyrjan Serjanov, «Jas Otan» JQ Almaty qalasy filialy tóraǵasynyń orynbasary Erjan Medeýov, Qazaq Ulttyq Qyzdar pedagogikalyq ýniversiteti Jastar saiasaty bólimniń bastyǵy Álibek Qairatuly tóraǵalyq etti.
Nátijesinde, «Jeńil ónerkásip jáne dizain» fakýlteti 1-oryndy ielenip, 50 myń teńge aqshalai júldege ie boldy. Al 2-3-oryndy Almaty Tehnologiialyq-ekonomikalyq kolledji men «Injiniring jáne aqparattyq tehnologiialar» fakýlteti ózara bólisti.
Festival sońy ATÝ stýdentterinen quralǵan vokal úiirmesiniń qatysýshylarynyń oryndaýyndaǵy «Atameken» ánimen aiaqtaldy. Sharaǵa kelgen kórermender merekelik kóńil-kúimen tarasty.
