Qalalyq avtobýs parkin jańartýǵa 30 mlrd teńge bólinedi. Bul týraly QR Premer-Ministriniń birinshi orynbasary Roman Skliar málim etti, dep habarlaidy QazAqparat.
Birinshi vitse-spikerdiń atap ótýinshe, «Jasyl damý» AQ esepshotyndaǵy 200 mlrd teńgeden astam bos qaldyq qarajattyń 100 mlrd teńgesi otandyq kólikterdi satyp alý úshin jeńildetilgen avtonesiege beriledi.
Al 30 mlrd teńgesi qalalyq avtobýs parkin jańartýǵa jumsalady.
«30 mlrd teńgeni qalalyq avtobýs tasymalyndaǵy ahýaldy jaqsartý úshin avtobýs parkin jańartýǵa jumsaý týraly sheshim qabyldandy. Mundai qajettilik baiaǵyda-aq týyndaǵan. Biraq avtobýs satyp alýda, naqty paiyzdyq mólshemelerdi tóleýde aitarlyqtai bir qiyndyqtar bar. Bul tasymaldaýshylarǵa qiyndyq týyndatady. Onyń jolaqy qunyna da qatysy bar. Oǵan múmkindiginshe jol bermeý kerek. Sondyqtan atalǵan avtobýstardy tasymaldaýshylarymyzǵa 7 jyl merzimmmen, nóldik mólsherlememen satý týraly sheshim qabyldandy. Osylaisha, otandyq óndirýshilerdi yntalandyramyz jáne bul qarajat azamattardyń igiligi úshin jumys isteidi», - dedi Roman Skliar «Habar-24» telearnasyndaǵy «Suhbat» baǵdarlamasy barysynda.
