Senbi kúni Kairde kópqabatty turǵyn úidiń opyrylyp túsýi saldarynan qaza tapqandar sany 22 adamǵa jetti, dep habarlaidy Extra News telearnasy.
Buǵan deiin 18 adamnyń qaitys bolǵany týraly aqparat jariialanǵan edi. Úsh adamnyń tabylmai jatqany aitylǵan. Olardy izdeý jumystary jalǵasyp jatyr. 25 adam qutqaryldy.
Qaiǵyly oqiǵa túnde el astanasynyń shyǵysyndaǵy Gisr-es-Sýeis atty halyq tyǵyz ornalasqan aýdanda boldy.
Qutqarýshylar kúni boiy tiri qalǵandardy izdep, arnaiy tehnikanyń kómegimen úiindilerdi bólshektedi. Keshke mamandar kórshi ǵimarattardyń qurylymdaryna tónetin yqtimal qaýipti anyqtaý úshin qulaǵan 10 qabatty ǵimaratqa jaqyn ornalasqan ǵimarattardy tekserýge kiristi.
Aldyn ala málimetter boiynsha, úi iesi ústińgi alty qabatty zańsyz qosyp salǵan. Bastapqyda, 2011 jyly salynǵan úide, tórt qabat bolǵan. Kýágerlerdiń aitýynsha, birneshe kún buryn birinshi qabatta ornalasqan dúkende onyń iesi qabyrǵalardy tesip, birneshe tirek baǵandaryn buzyp, qaita salýdy bastaǵan.
