سەنبٸ كٷنٸ كايردە كٶپقاباتتى تۇرعىن ٷيدٸڭ وپىرىلىپ تٷسۋٸ سالدارىنان قازا تاپقاندار سانى 22 ادامعا جەتتٸ, دەپ حابارلايدى Extra News تەلەارناسى.
بۇعان دەيٸن 18 ادامنىڭ قايتىس بولعانى تۋرالى اقپارات جارييالانعان ەدٸ. ٷش ادامنىڭ تابىلماي جاتقانى ايتىلعان. ولاردى ٸزدەۋ جۇمىستارى جالعاسىپ جاتىر. 25 ادام قۇتقارىلدى.
قايعىلى وقيعا تٷندە ەل استاناسىنىڭ شىعىسىنداعى گيسر-ەس-سۋەيس اتتى حالىق تىعىز ورنالاسقان اۋداندا بولدى.
قۇتقارۋشىلار كٷنٸ بويى تٸرٸ قالعانداردى ٸزدەپ, ارنايى تەحنيكانىڭ كٶمەگٸمەن ٷيٸندٸلەردٸ بٶلشەكتەدٸ. كەشكە ماماندار كٶرشٸ عيماراتتاردىڭ قۇرىلىمدارىنا تٶنەتٸن ىقتيمال قاۋٸپتٸ انىقتاۋ ٷشٸن قۇلاعان 10 قاباتتى عيماراتقا جاقىن ورنالاسقان عيماراتتاردى تەكسەرۋگە كٸرٸستٸ.
الدىن الا مەلٸمەتتەر بويىنشا, ٷي يەسٸ ٷستٸڭگٸ التى قاباتتى زاڭسىز قوسىپ سالعان. باستاپقىدا, 2011 جىلى سالىنعان ٷيدە, تٶرت قابات بولعان. كۋەگەرلەردٸڭ ايتۋىنشا, بٸرنەشە كٷن بۇرىن بٸرٸنشٸ قاباتتا ورنالاسقان دٷكەندە ونىڭ يەسٸ قابىرعالاردى تەسٸپ, بٸرنەشە تٸرەك باعاندارىن بۇزىپ, قايتا سالۋدى باستاعان.
