Sheshenstan basshysy Ramzan Qadyrovtyń qyzy Hadijat Qadyrova Groznyi qalasy mektepke deiingi bilim berý departamentiniń jetekshisi qyzmetine taǵaiyndaldy. Bul týraly respýblika parlamentiniń basshysy Magomed Daýdov Instagram-paraqshasynda málimdedi.
Hadijat Qadyrova 20 jasta. Osyǵan deiin onyń ápkesi Aishat respýblikanyń mádeniet vitse-ministri bolyp taǵaiyndalǵan.
Sheshenstanda respýblika basshysy Qadyrovtyń týystary laýazymdy qyzmetterge jii taǵaiyndalady. Máselen, qarasha aiynda respýblika basshysynyń jáne úkimetiniń ákimshiligin Ramzan Qadyrovtyń aǵaiyny Has-Magomed Qadyrov basqardy.
- Qazan aiynda Rospotrebnadzordyń Sheshenstan respýblikasy boiynsha basqarmasy jetekshisiniń orynbasary qyzmetine Ramzan Qadyrovtyń balalar úiinen asyrap alynǵan inisi Visita Qadyrov taǵaiyndaldy.
- Naýryz aiynda týystaryn qyzmetke qoidy degen aiypqa Ramzan Qadyrov bylai jaýap berdi: "Halqym úshin, respýblika úshin jaýap bersem, ol úshin uialmaimyn. Eger bul mindetti durys atqarsam, ministrdiń, aýdan basshysynyń, ákimshilik basshysynyń ne úkimet jetekshisiniń kim bolatyny báribir emes pe?"
