Qazaqstannyń ulttyq ekonomika vitse-ministri Rýslan Dálenov jańa áriptesteri - Dana Júnisova men Madina Júnisbekova týraly oiyn aitty, - dep habarlaidy Tengrinews.kz tilshisi.
"Dana Júnisovamen Eýraziialyq ekonomikalyq odaq aiasynda 4 jyl jumystas boldyq. Ol "Atameken" palatasynan bolatyn, tájiribesi óte mol. Áli sonda jumysyn jalǵastyryp jatyr, búgin integratsiia boiynsha issaparda. Jeke qasieti týraly: qadalǵan jerden qan alady. Isti aiaǵyna deiin jetkizedi. Ol "Atamekende", al biz ministrlikte bolǵanda isti aiaqsyz qaldyrmaityn. Sońyna deiin jetkizetin. Eýraziialyq odaq boiynsha áriptesterge de qatysty sol", - deidi Dálenov Úkimet úiindegi baspasóz máslihatynda.
Sonymen qatar, ol Madina Júnisova týraly da aita ketti.
"Osyǵan deiin úkimet basshysynyń keńsesinde eńbek etti, ekonomikalyq ósimdi kúsheitý boiynsha jobalyq keńse máselelerimen ainalysty, birneshe ministrlikke jetekshilik etti. Halyqaralyq uiymdarmen de qarym-qatynasta boldy jáne strategiialyq josparlaý máselelerimen ainalysty. Bizdiń ministrlikte de osy baǵytta isteidi. Odan jańa ádister kútemiz. Tájiribesi mol", - dep atap ótti ol.
2018 jyldyń sáýirinde Dana Júnisova men Madina Júnisbekova QR ulttyq ekonomika vitse-ministri bolyp taǵaiyndalǵan edi.
