QR Parlamenti Senaty «Qazaqstan Respýblikasynyń Memlekettik shekarasyn kúzetý jáne ulttyq qaýipsizdik máseleleri boiynsha ózgerister men tolyqtyrýlar engizý týraly» QR Zańyn qabyldady, dep habarlaidy "Ult aqparat".
Senat tóraǵasy Máýlen Áshimbaevtyń aitýynsha, memlekettik shekara – ulttyq qaýipsizdigimiz ben eldigimizdiń kepili. Bul zań ulttyq qaýipsizdik organdarynyń basqarý qyzmetin ońtailandyrýǵa múmkindik beredi. Sondai-aq, infraqurylymdy damytý jáne arnaiy tehnikalardy qoldaný arqyly memlekettik shekarany kúzetý men qorǵaý júiesin jetildirýge jol ashady.
«Zańda mańyzdy normalar qarastyryldy. Olar Prezidentimizdiń memlekettik shekaranyń myzǵymastyǵyn qamtamasyz etý jónindegi tapsyrmalaryn iske asyrýǵa arnalǵan. Qazirgi tańda álemde túrli syn-qaterlerdiń týyndap jatqanyn kórip otyrmyz. Sondyqtan shekarany ýaqyt talabyna sai kúzetýdiń jáne qorǵaýdyń myqty júiesin qalyptastyrýdyń mańyzy zor. Osy oraida búgin qabyldanǵan zań ulttyq qaýipsizdik organdary men shekara qyzmetiniń tiimdiligin arttyrýǵa, shekaramyzdyń beriktigin qamtamasyz etýge qyzmet etedi dep senemiz», – dedi Senat tóraǵasy.
