Kollaj: Ulysmedia
Jusan Bank toby qazaqstandyq iýrisdiktsiiaǵa qaitaryldy, - dep habarlaidy "Ult aqparat" Ádilet ministrligine silteme jasap.
"2021 jyly josparlanǵan is-qimyldar nátijesinde Jusan Bank jáne telekommýnikatsiia, aýyl sharýashylyǵy jáne ózge de salalardyń birqatar iri aktivterin qamtityn Jusan toby sheteldik iýrisdiktsiiaǵa shyǵaryldy. Qazaqstan úkimeti is júzinde topqa baqylaýdy joǵaltty.
QR Ádilet ministrligi basqa memlekettik organdarmen birlesip qabyldaǵan sharalardyń nátijesinde Jusan tobyn qazaqstandyq iýrisdiktsiiaǵa qaitarýǵa qol jetkizdi. Qajetti qujattarǵa qol qoiyldy" - delingen habarlamada.
Qazaqstan zańnamasyna sáikes, top Úkimettiń jáne basqa da memlekettik qurylymdardyń baqylaýymen jumys isteidi.
Vedomstvo málimetinshe, Jusan Bank qazaqstandyq bilim berý uiymdaryn qarjylandyrýdy jalǵastyrý boiynsha mindettemelerdi ózine aldy. Bank buryn alǵan memlekettik kómek merziminen buryn qaitarylady. Sondai-aq Memleket basshysynyń shyǵarylǵan aktivterdi qaitarý týraly tapsyrmalaryn iske asyrý jalǵastyrylady.
