Erjan Maksim Junior Eurovision baiqaýynda búkil túrki áleminiń namysyn qorǵaidy. Bul týraly «Habar» agenttiginiń basqarma tóraǵasy Erlan Bekhojin aitty, dep habarlaidy QazAqparat.
«Erjan erteń Polshaǵa ushyp ketedi. Ol jaqta «Balalar Eýrovideniesine» qatysady. «Habar» agenttigi Eýropalyq habar taratý odaǵynyń qaýymdasqan múshesi sanalady. Bul, bizge óz kandidatymyzdy usynýǵa múmkindik beredi. Osy joly bizdiń atymyzdan qabiletti, talantty, daryndy Erjan Maksim qatysady», - dedi E.Bekhojin Ortalyq kommýnikatsiialar qyzmetinde ótken baspasóz máslihatynda.
Onyń atap ótýinshe, 19 eldiń jas ánshileri arasynda ótetin baiqaýdyń 24 qarashadaǵy finalyn «Habar» telearnasy tikelei efirden kórsetetin bolady. Baiqaý erejesine sáikes, jeńimpazdy telekórermenderdiń daýys berýi men quramyna 3 eresek jáne 2 bala kiretin baiqaýǵa qatysýshy elderdiń tóreshileri anyqtaidy.
«Negizinen Eýropalyq odaq elderiniń ókilderi qatysady. Aita keterligi, Erjan búkil túrki álemniń atynan óner kórsetedi. Sebebi Ázerbaijan men Túrkiia biyl óz kandidattaryn qatystyrmaidy. Sondyqtan biz oǵan úlken úmit artyp otyrmyz. Sarapshylar onyń múmkindigine joǵary baǵa berýde», - dedi ol.
Buǵan deiin qazaqstandyq jas ánshi Erjan Maksimniń Polshanyń Livitse qalasynda ótetin Junior Eurovision mýzykalyq baiqaýyna qalai daiyndalyp jatqanyn habarlaǵan edik.
Aita keteiik, 18 qarasha kúni Junior Eurovision mýzykalyq baiqaýynyń ashylý rásimi ótip, jas ánshiler arasynda jerebe tartý rásimi ótedi. Sol arqyly Erjannyń »Armanyńnan qalma« ánimen sahnaǵa shyǵatyn rettik nómiri anyqtalady.
