24 qarasha kúni Polshada «Junior Eurovision 2019» baiqaýdy bastalady. Osynaý halyqaralyq án dodasynda elimizdiń namysyn jas daryn Erjan Maksim qorǵaidy, dep habarlaidy "Ult aqparat".
Siz qai jerde júrseńiz de, qarashanyń 22-sinen 23-ine qaraǵan túngi saǵat 01,00-den bastap junioreurovision.tv saitynda jas órenimizge daýys bere alasyz. Ol úshin tizimnen Erjanmen qatar taǵy 2 qatysýshyny tańdap, «Daýysty qabyldaý»/ «Daýys berý» túimeshegin basýyńyz qajet. Daýys berý 24 qarasha kúni saǵat 21-00-de shoý bastalmai turyp ýaqytsha jabylady. Al odan keiin qaitadan 15 minýtqa ashylyp, sizde taǵy bir márte daýys berý múmkindigińiz bolady.
Osy jeksenbide «Habar» telearnasynda tikelei efirden saǵat 21-00-de Junior Eurovision Song Contest baiqaýyn kórsetedi.
Sonymen Erjanǵa 2 ret daýys berýge bolady. Birinshi daýys berý 23 qarasha saǵat 01:00-den baiqaý bastalǵansha jalǵasady. Al ekinshisi kontsert aiaqtalǵan soń 15 minýtqa qaita ashylady.
Baiqaý boiynsha jáne daýys berý erejesi boiynsha tolyǵyraq tómendegi siltemeden bilýge bolady: https://jevision.khabar.kz/ru/
Anyqtama úshin:
Eresekter «Evrovideniesinen» aiyrmashylyǵy kelesi baiqaýdy uiymdastyrý quqy jeńimpazǵa berilmeidi.
Eresekter «Evrovideniesinen» taǵy bir aiyrmashylyǵy, balalar konkýrsyna qatysýshy elderdiń oryndaýshylaryna óz elderiniń ókilderin qoldaýǵa ruqsattary bar. Ol úshin (junioreurovision.tv) resmi saitynda daýys berýge bolady. Onlain daýys berýdiń birinshi satysy 23 qarasha kúni Nur-Sultan qalasynyń ýaqyty boiynsha saǵat 01.00-den bastap 24 qarasha kúni saǵat 20.59-ǵa deiin jalǵasady. Onlain daýys berýdiń ekinshi satysy án oryndalǵannan keiin bastalady jáne 15 minýtqa ǵana sozylady.
Qazaqstan 2019 jyldyń 24 qarashasynda Glivitse qalasy, Polshada ótetin halyqaralyq «Junior Eurovision Song Contest» án baiqaýyna ekinshi ret qatysady. 9 jastan bastap 14 jasqa deiingi oryndaýshylar qatysatyn «Eurovision» analogynda elimizdi Erjan Maksim tanystyrady. Qazaqstannyń aýmaǵynda baiqaýdy «Habar» telearnasy transliatsiialaityn bolady. «Habar» agenttigi 2016 jylǵy 1 qańtardan bastap is-sharany uiymdastyratyn Eýropalyq habar taratý odaǵynyń (EBU) qaýymdasqan múshesi bolyp tabylady, bul múshelik atalǵan baiqaýǵa qatysý úshin elden úmitker usynýǵa múmkindik berdi.
Byltyr Qazaqstandy án baiqaýda Daneliia Týleshova tanystyrdy. Kórermenderdiń daýys berý nátijesi boiynsha, ol úshinshi orynǵa ie boldy. Kórermender men tóreshilerdiń daýys berý nátijesi boiynsha jas ánshi altynshy oryndy iemdendi.
Junior Eurovision baiqaýynyń sharty boiynsha, finalda qatysýshylar esh jerde jariialanbaǵan uzaqtyǵy 2 minýt 45 sekýndtan 3 minýtqa deiingi kompozitsiiany tabiǵi daýysta oryndaýy qajet. Jeńimpaz qazylar alqasy men qatysýshy memleketterdiń daýys berýi arqyly anyqtalady. Qazylar alqasyna 5 adam kiredi – 3 eresek jáne 2 bala. Eresekter «Evrovideniesinen» aiyrmashylyǵy kelesi baiqaýdy uiymdastyrý quqy jeńimpazǵa berilmeidi, bul jas oryndaýshylarǵa artyq qysym bolmaýy úshin istelgen shara. Baiqaý uiymdastyrýshylaryn aldyn ala Eýropalyq habar taratý odaǵy (EBU) anyqtaidy.
Alǵash ret «Junior Eurovision Song Contest» 2003 jyly Kopengagen (Daniia) qalasynda 16 memlekettiń qatysýymen ótken bolatyn. Al telekórermenderdiń jáne qazylar alqasynyń ortaq sheshimimen jeńimpazdy anyqtaý 2008 jyldan bastap múmkin boldy, oǵan deiin daýys berý kórsetilim kezinde kórermendermen júzege asqan edi. 2007 jáne 2008 jyldardaǵy daýys berýden túsken paida «UNICEF» joldandy».
10 qazan kúni Erjan Maksimniń «Armannan qalma!» («Don’t forsake your dream») dep atalatyn ániniń tusaýkeseri ótti. Ánniń avtorlary - Hamit Shanǵaliev, Daniiar Aldabergenov jáne Timýr Balymbetov. Sondai-aq, dál osy kúni konkýrstyq ánge taspalanǵan beinebaianynyń da resmi tusaýkeseri boldy. Beinebaiannyń rejisseri – Aleksandr Flomboim, prodiýseri – Sergii Rýtskii. Túsirilim jumystary Almaty qalasynda júrgizilgen.
