«Jas Otan» Jol kartasynyń 216 jobasyn jariialady. Onda árbir óńir, qala jáne aýdan boiynsha jastardyń negizgi problemalaryn sheshýge qatysty naqty sharalar kórsetilgen. Qazaqstandyq jastar atalǵan qujatpen tanysyp qana qoimai, sonymen qatar, jasotan.kz jáne primaries.kz saittar arqyly óz usynystaryn joldai alady, dep habarlaidy "Ult aqparat" «Nur Otan» partiiasynyń baspasóz qyzmetine silteme jasap.
Baspasóz qyzmetiniń habarlaýynsha, partiia Kóshbasshysy Nursultan Nazarbaevtyń tapsyrmasyna sáikes «Nur Otan» partiiasynyń jas jaqtastary qazaqstandyq jastardy qoldaýǵa arnalǵan «Jastar-Otanǵa!» 5 jyldyq baǵdarlamasyn ázirlegen. Ol úzdik álemdik tájiribelerdi jáne búkil el boiynsha jastardyń 3 myńnan astam usynysyn eskere otyryp daiyndalǵan.
Baǵdarlamada jumystyń negizgi baǵyttary, onyń ishinde qoljetimdi baspana men jas otbasylardy qoldaý, jumysqa ornalastyrý jáne jumyspen qamtý máseleleri kórsetilse, al Jol kartasy – bul naqty kúnderi men maqsatty indikatorlary kórsetilgen ózindik sheberlik jospary.
Máselen, elordada turǵyn úi máselesin sheshýmen qatar, daryndy jastarǵa grant bólý, sport nysandaryna jeńildikpen qoljetimdilikti keńeitý, ata-anasynyń qamqorlyǵynsyz qalǵan jáne internattan shyqqan jastarǵa qoldaý kórsetý jáne t.b. kózdelgen.
Jambyl oblysynda 2021 jyldan bastap jas otbasylarǵa arnalǵan memlekettiń qatysýymen salynatyn turǵyn úi satyp alý úshin «Áýlieata jastary» nesieleý baǵdarlamasyn iske qosý josparlanyp otyr. Jastardy jumyspen qamtý máselesimen Almaty oblysyndaǵy jasotandyqtar belsendi ainalysýǵa nietti. Óńirlik baǵdarlama jyl saiyn 10 myńǵa jýyq jasty jumyspen qamtýǵa ýáde beredi.
Qostanai oblysynda buqaralyq sportty damytýǵa erekshe kóńil bólindi. 2025 jylǵa deiin baǵdarlamany iske asyrý aiasynda jasandy jabyny bar 30 shaǵyn fýtbol alańy, 10 stritbol alańy, strit-vorkaýt alańdary, oblystyń qalalary men aýdandarynda 29 hokkei korty salynbaq.
«Jastar-Otanǵa!» baǵdarlamasynyń Jol kartasynda jastar kásipkerligin damytýǵa erekshe nazar aýdaryldy.
Aitalyq, Mańǵystaý oblysynda jyl saiyn 500 jas «Bastaý biznes» baǵdarlamasy boiynsha óz isin júrgizýdi tegin oqi alady. Sondai-aq, óńirdiń jas kásipkerleri úshin nesieler boiynsha mólsherlemelerdi tómendetý jáne memlekettik sýbsidiialarǵa qoljetimdilikti keńeitý josparlanýda.
Bilim berý jáne tulǵalyq ósý salasy óńirlik baǵdarlamalarda da eskerilgen.
Taraz qalasynda jastar saiasaty mektebiniń bazasynda jyl saiyn 70 adam taǵylymdamadan ótedi. 2023 jyly «SMART» oqý ortalyǵyn ashý kózdelip otyr.
2025 jylǵa deiingi «Jastar-Otanǵa!» baǵdarlamasyn jyl sońyna deiin bekitý josparlanǵan. Oǵan deiin joba jastar arasynda, onyń ishinde «Nur Otan» partiiaishilik praimerizderindegi pikirsaiystar aiasynda talqylanbaq.
.jpeg)